السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
توجد مشكلة في كهرباء المكسيما،، و كثيرين يعانون منها،، و هي نفضة في المكينة و تحس كأنها تبى توقف عليك و تحس فيها حتى لو كنت ماشي بالسيارة و لا واقف.
و بحكم انه 2 من ربعي صادفوا المشكلة،،، و بعد زيارة العديد من الكراجات المتخصصة و المشهورة ما بين أبوظبي و الشارجة و العين، و فحص كمبيوتر،،، ما حد قدر يحل المشكلة رغم ان المشكلة بسيطة جدا،، لكن بعض الكراجات همها بس النصب و الفلسفة على الشباب.
كراج واحد عرف يحلها ،،، و لا ياخذ من وقتك الا 10 دقايق للتأكيد……
شو رايكم شو هي المشكلة و هل صادفتوا هاي المشكلة……………….؟؟؟
تحياتي
هلا وغلا
بدلت القطعة بس بعده ما دااق راسه .. شو الحل
السلام عليكم
عندي سوزوكي سويفت 2007 ماشي فيها 11000 كم
السيارة صرفيتها عالية بالنسبة لمكينتها 1.5
افولها من الصفر ب 50 وتمشيني 330 كم وترا ريلي خفيفة عالريس. تصرف بمعدل 6,6 كم للدرهم الواحد
يعني الكورولا 1,8 واليارس والسيريون والصني اقتصاديات بشكل اكبر عن السويفت
المشكلة فالسيارة الي عندي ولا فالسويفت بشكل عام ؟؟؟
وشو الحل
عندي نيسان فتك 2004
ينفع احطله راس هدرز فقط //
وينفع اشل الفلتر الي في الوسط للقزوز
انتظر ردودكم ، ، ويعطيكم العافية
مرحبا اخوي
اذا قارنت بين الـ 900 والتواير الباقيه بتشوف الـ (RPM) اقل بالـ 900 والسرعه نفسها عن التواير الباقيه
بس المشكله في الثبات.. لان تواير 900 مصنوعات للرمل ومب ثابتات فالشارع
اذا بتحاسب وانته تسوق ركبهن .. بس السياره بتكون اسرع من السرعه اللي فالعدادات بـ 10-20 كم/الساعه..