السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
هلا اخوي ..
هلا اخوي اذا الواحد يشغل المكيف فالسيارة نسبة الصرفية اتزيد بحوالي 17% وتقل قوتها بحوالي 7 حصان فما بالك بواحد يستخدم الدبل
أكيد سيارتك بتصرف قريب ضعف الصرفية المعتاتدة في حاله استخدامك للدبل ..
مممممم الحل
يوم بتسير البر .. نزل ضغط الهواء في الاطارات لغاية 15 (وهذا مهم حدا جدا لتقليل الصرفية) .. وحاول اتكون قيادتك سلسة ( يعني مب ريس كامل واتطر المكينة طر ) و اتجنب الصعدات القوية واللي تحتاج عزم كبير ,, وان شاء الله بتقل الصرفية .. بس ما بتكون نفس صرفية الشوارع العادية ..
ودائما استخدم ال 4H ولا تستخدم ال 4L الا اذا كنت اقتضت الحاجة الى عزم اكبر ..
والسموحة
يعطيك العافيةاخوي الحديق
في قطعه تساعد على ضخ الهواء المكيف
لما تضغط ريس يزيد ضغط الهواء هذه عندك خربانه
والله أعلم
اخوى و الله يبارك فيك بجرب و بخبرك ومشكور