السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
1-قطع الغيار متوفر وبكثره وخاصة للكزس
2-الشاشه برمجوها الشباب بما لا يزيد عن 500 درهم
3-الكيلو بالمايل ياخي مافيها شي (أهم شي النتيجه وحده) وترى الكيلومتر ظاهر كسرعه أما المسافه مقدور عليها انك تحولها بالكيلومتر بالآله الحاسبه خخخخخخ
4- الحراره بالفهرنهايت ترى تعبر بعد عن درجة الحراره في الخارج وتروم تغيره لمئوي بسهوله ما يكلف 100 درهم
5-الراديو ماعليه اي خلاف ماعرف من وين اتييب كلامك
6- ابرد مكيفات عرفتها مكيفات الوارد
وبعدين ياخوي ترانا نفهم في السيايير ورمستك يمكن يصدقونها اللي ما يفهمون بس عموما انا بقولك الفروق بأختصار
1-هيكل السياره
(الخليجي) خفيف جدا وأبسط ضربه يستوي مثل الكرتون
(الأمريكي) عدد اعمدة الحمايه اللي داخل الأبواب أكثر
2-المواصفات
(الخليجي) الحين سنة 2008 وبعض السيارات تنزل بدون سيدي —- هذا ابسط مثال ما ابغي اذكر الباقي
(الأمريكي) كراسي كهربا على السيايير 4 سلندر….السيدي اجباري موجود في كل السيايير
3-السعر
(الخيجي) أبسط مثال سياره مشهوره (fj) قيمتها في الوكاله هني 130 وحجز السياره لين ما توصل شهر يمكن
(الأمريكي) قيمة الـfj هناك لا تزيد على 110 آلاف فل اوبشن ومواصفاتها احسن من الخليجي وشكلها احلا
4-الصيانه
(الخليجي) اكيد الوكاله تسوي لها صيانه وظمانها اطول من ظمان الوارد لأنهم هم اللي استوردو السياره فبالتالي مجبورين يسوون لها صيانه …. ولو ان الوكالات وورشاتها أي كلام خاصة يوم تكون السياره تحت الظمان يحاولون يتهربون بأي طريقه من ألتزاماتهم
(الأمريكي) خدمات ورش التصليح الكبرى افضل من الوكاله وأرخص منها بفرق كبير أما لو تروحلي عند بابول ونور الحق ومحي الدين اكيد بيخربون سيارتك حتى لو كانت خليجيه
عالعموم
انا من اعداء الخليجي لأن الوكلاء استغلاليين وما ينزلون السيايير المطلوبه مثل تويوتا تندرا 5.7 وانا انشالله باخذلي وحده قريب مباشرة من أمريكا
فلو تبغي تتحوط وياي وأرويك الفروق فيها انا حاظر
والسموحه من الجميع
__________________
على حسب التواير اخوي
تواير 900
للشارع
50-65
للبر
25-35 اذا الرمله شدد
15-20 اذا دهسه
وللتواير العاديه والميجر
للشارع
35-40
للرمل
15-20
وتقدر تنزل الضغط اقل من 15 فالبر.. بس تحاسب يوم تلف عن يفصخ التاير
والضغط اللي كتبته انا للجو البارد
بس في الحر لازم ننقص 2-3 psi
اخوي الصرح الشامخ / انا نفس الي صارلك صارلي بس ماقلت اذا وانت اتعبيها ترجف شوي وتبند واذا عطيت ريس ماتبند اتم شغاله بيكون هاذا من الانجكترات بدلهن صح غاليات بس بترتاح سنين قدام مب كل شوي وتشكي من البترول وغيره وماانصحك اتنظفهن لاني مجرب بدلهن وكاله بيكلفوك بس مابتخسر عليها دامها سيارتك ..
مرحبا اخوي Dmc
ممكن تتاكد من الكويلات ووايرات الكهربا .. يمكن الكويلات تعبانه او الويرات فيها تهريب كهربا..تاكد منها عند اي كهربجي مابياخذ الوقت منك الا دقايق بس.
واذا كانت سليمة بيكون من شي ثاني
والسموحه
انت لو تسير عند محل قطع الغيار وتخبره ,, هو بيقولك اذا يفرق او لا