حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم ورحمة الله وبركاته

   يزاكم الله الف خير هالمجهود الي قاعدين تسوونه و ان شاء الله في ميزان حسناتكم

   اخواني انا عندي التيما 2003 وارد امريكي

   من سنة تقريبا اخترب علي شي اسمه idol control motor فجأة السيارة كانت تتسكر فقالو لي من هذا و بدلته

   و اشتغلت السيارة بس الريس كان عالي شوي
   في الاول ما سبب لي مشكلة .. بس مع الوقت شفت اني لما ابدل الجير الموتر ينقز … و زادت المشكله الفترة الاخيرة .. يعني النقزة تكون قوية .. تحس الكينة تتحرك من مكانها .. وديتها قالولي لازم تبدل ال idol control motor

   الحين انا قاعد ادور هالقطعة .. ابي اعرف وين اقدر احصلها
   وهل الخليجي يركب عالوارد

   يا ليت من الاخوة اللي عندهم فكرة ولا ملعومة يعطونا اياها

   و يزاكم الله خير

   اخوي يعني انته مبدل نفس القطعة من قبل وردت اختربت مرة ثانية ولا شو السالفة بالضبط؟؟؟

   والله ماعرف شو اقولك .. بس يبالك اتسير عند كهربائي ممتاز .. مب تعال واشتر وتطلع المشكلة من شي ثاني .. وبالنسبة للقطع غيار اعتقد بتكون نفس الشي.. وعلى فكرة محلات القطع غيار الحينه يبيعون قطع مال الوارد والخليجي .. عادي يعني حتي السيارات اللي شكلهم فضائي وارد امريكا مثل الكرولا مالهم عادي يطلبولك سامانهم..
   

2. السلام عليكم

   اشحالكم

   اخواني انا عندي فتك 2002

   واسمع شباب يحطون ثروتر انفنتي

   وحاب اعرف اي انفنتي يقصدون ( Fx35 ) ولا ؟

   واذا بغيت اركبه شو من القطع المطلوبه وياه ولا بس الثروتر ؟

   وهل بيعطيني اداء احسن ولا ؟

   الغالي أكيد بيعطيك اداء .. والثروتل هذا يكون مال انفينيتي 8 سلندر اللي اتكون مكينتة 4.5… وطبعا بتسالني وين ينباع .. بقولك موجود في اكثر المحلات اللي يبيعون سامان الريس.. وبتلقاة صناعة تايلندية بس لا اتخاف يعطيك مشي احسن من الوكالة .. بس الشغلة مب تعال وركب.. يبالك اتسوي قاعدة للثروتل عشان يركب مكان الوكالة..
   اسال اللي بيبيعلك اياه وهو بيقولك كيف الترتيب ..

   والسموحة

3. 

   على ما أعتقد الجير خربان نفس اللي عند واحد من الشباب سار وطلع عنده الجير منتهي

   اخوي في عندي سؤال

   انا عندي كرولا مخليها حق الدوام يعني ما تمشي وايد

   بس مشكلتها لمن أوقف على إشارة وأخلي الجير على D يطلع صوت رجه

   رررررررررررررررررررررررررررررررررر

   فكرت يمكن كراسي المحرك (( بتفكيري )) بس ما شيء

   مرة رحت أبدل الغاز مال المكيف زاد شوية من الريس راحت الرجة

   بس بعدين رجعت

   أخاف أزيد في معايير الريس يخرب صرفية البترول

   وصرفيتها مب لين هناك 1.3 وبعد تصرف وايد

   شو الحل ؟؟

   

   اخوي.. اكبر سبب لهذي الرجه هو التأخر في تبديل الاشياء التاليه:
   فلتر الهواء
   البلكات
   فلتر البترول

   واهمال هذي الاشياء يسبب زيادة استهلاك البترول

4. اشكرك اخوي صاحب محفظة.

   بس احب اضيف انه لو اتخلي الكهربجي يشيك على الانجكترات بالمرة.. يمكن متوسخة.. بس اغلب الظن من الوايرات او الكويلات..

5. الخليجي وايد مقللين من جودة السيارة .. لاحظ ويااااي :
   -الجامة الامامية تلاقيها غش ((تتكسر وبدون مخفي من فوق))
   ..

   تصدج واحد من الربع على سرعة 50 تقريباً ..دخل عليه واحد فجأة ..

   ضرب بريك .. و لاّ رفيجه بالكرسي اللي يمبه ..

   على طوووول كفخ في – الجامة الأمامية – ..

   توقع اش صار ؟؟؟!!

   الريّال بخير و الحمد لله … بس انكسرت عليه الجامه

Comments are closed.