حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم ورحمة الله وبركاته
   أنا عندي نيسان فتك 2002
   وهي من احسن السيارات في العالم
   في الفترة الاخيرة طلعتلي مشكلة
   بس للأسف ماعرفت حلها
   والمشكلة ان الحرارة ترتفع لي قريب النص
   مع اني بدلت قطع تخص الحرارة ولكن لم تحل المشكلة
   والقطع هي :
   – الراديتر
   – بيبات الراديتر
   – الترموستات (البويه)
   – الووتر بمب
   – كلج المروحة
   – جازجيت الهد مع عمل بولش للهد
   وللأسف لم تحل المشكلة ولا اعتقد ان حد منكم بيعرف شو المشكلة ولكن عل وعسى
   وشكرا

   انته فحصت السياره قبل عند الوكاله ؟

2. أبشر أخوي،،،،،،،،،،، المشكلة تكون في الكويلات الستة (coils) يتم فحصها بطريقة بسيطة،،، و هي:

   باخراج القطعة من مكانها (وحدة وحدة) مب كلهن،،، و تقربها من الماني فولد،،، و تشغل السيارة،،، اذا شفت الشرر طالع من أماكن غير الفتحة الخاصة بالبلاك،،،،، يعني القطعة خربانة،،، و سعر القطعة الوحدة بالوكالة بـ 150 درهم تقريبا بس مب أقل،، و اذا تبى تمشي الحال لكم يوم،،،،، حطله تيب الكهرباء على كامل القطعة،،،،،،،،،،،، و أمورك طيبة ، بس لأسبوع تقريبا.

   مرفق الصورة:

   الأحمر: المنطقة اللي يبالها تيب (( لزق ))
   النقاط الصفراء: التأكيد ما يكون فيها شرر وقت التشغيل
   النقطة الخضراء: المكان الوحيد المفروض يطلع منه شرر

   تحياتي

   مصدر الصورة: http://www.rockauto.com/catalog/raframecatalog.php

   أحسن و أسهل موقع للبحث عن القطع لكل السيارات،،، بالسعر و الصورة و الموديل و رقم القطعة

3. بغيت استشارة أخوي في مشكلة غريبة أواجهها.

   عندي انفنيتي. بعد آخر تشييك في الوكالة. لاحظت اني لو ما خليت السيارة تحر وتوصل لأول خط في مؤشر الحرارة.. تقطع علي ,انا أسوقها.

   يعني لو قمت الصبح شغلت السيارة ومشيت على طول. بتقعد السيارة تقطع وما تمشي عدل لين المكينة تسخن وتوصل أول خط.

   بس لو قمت الصبح وسخنتها لين وصلت الخط الأول وبعدين مشيت. ما أواجه هالمشكلة.

   شو رايك؟ شو السبب؟

   مشكور وما قصرت أخوي.

   منقذ

   السلام عليكم
   عزيزي؛ مشكلتك في ميزانية ريس الماكينة

4. السلام عليكم
   انا عندي كورفت موديل 2000
   وااايد نظيف الحمد الله بس من قبل اسبوع يطلعلي على الكمبيوتر
   check tire mon..sys
   service traction..sys
   service abs..
   اوقات يطلعن واوقات لأ ما عرف شو سالفتهن
   ماشي كراج شاطر وخبره بالكورفت يعرف شو السبب الي يظهرلي فيهن هاييل ؟؟؟

   هلا اخوي..

   روح ليبيرتي موترو سبورت .. فرع الوكاله وخلهم يفحصولك السيارة ..

   بس مبدايا .. بما انهم يطلعن مرة ومرة لا .. يمكن عندك واير راخي .. بس العلم الاكيد بيتلقاة عندهم..

   والسموحة ع التاخير

5. السلام عليكم ورحمة الله وبركاته

   موضوع جدا جميل ومفيد .. و عسى الله يجعله في ميزان حسناتك
   عندي سؤال .. انا اشتريت نيسان التيما وارد امريكا موديل 2003 .. و بعد شهرين السيارة فجأة ما اشتغلت .. المهم بدلت لها قطعة في المكينة اظن اسمها ( مفتاح المكينة ) و من بعدها السيارة شغالة تمام .. بس الريس دوم فوق الواحد .. يعني واحد ونص وجي … و عندي chek engine soon والع .. و هالسالفة صار لها اكثر من 6 شهور … فما اعرف شنهي مشكلة الريس و ال الليت مال المكينة الي والع

   نرجو الافادة .. و جوزيتم خيرا

   اخوكم

Comments are closed.