السلام عليكم

الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز

يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.

اللي عنده مشكلة يذكر نوع السيارة والموديل ونوع المشكلة .. والاعراض لؤؤؤؤل

وحاضرين،،

332 thoughts on “حلول المشاكل المكانيكية والكهربائية+فرق مواصفات الوارد والخليجي”

  1. السلام عليكم

    لكزس gs300 خليجي وين مكان فلتر البترول يكون ؟؟ تحت السيت اللي ورى؟؟

    استفسار ثاني .. اذا ابا ابدل زيت الجير والفلتر شوه الترتيب ؟؟ يكون عادي ولا لازم تنزيل جير ولا شوه بالضبط ..
    وبالنسبه لزيت الجير .. مكتوب لي اسم زيت .. شوه راح يصير لو حطيت شي غير ؟
    وحصلت بعد زيت للجير العادي وزيت جير للأوتوماتيك بيفرق يعني ولا عادي
    لاني ابا ابدل الزيت والفلتر .. لكن ابى اسير الكراج وانا عارف كل شي ومطمن .. لاني احس الجير مايبدل عدل اذا سخنت السياره تقريبا …

    شوه الأشياء الثانية اللي ممكن تأثر في تبديل الجير…من حيث النعومه والسلاسه .. ساعات احس بس بريس المكينة والسياره ما تزيد سرعتها

  2. مرحبا الطيب
    انا عندي مكسيما موديل 2002 المشكله اللي لاحظتها من فتره ان الريس يحكر على القير الرابع و ما يبدل الا اذا طاف ال ر ب م 4 مع اني اسوق بالراحه قمت اخف الريس ولما احس انه حنه المكينه خفت و القير بدل ادوس الريس شوي شوي عسب ما يحكر مره ثانيه و يبدل للخامس

    شو الحل لاني عرفت بعدين او توقعت ان الموتر ما يصرف الا اذا حكر القير و اذا كنت منتبه له و خليته يبدل ما يصرف الموتر

    االسلام عليكم

    اخوي المشكلة عندك في كلتشات الجير..شوف لك كراج مضبوط وخله يبدلك الكلتشات

    ون شاء الله ماشي شر

  3. السلام عليكم

    اخوي دريم بشرنا يوم بدلت الزيت… الجير صار تبديله اوكي ولا لا؟

    ااذا الجير وضعه تعدل وتبديل الغيارات حلو ماله داعي تبدل كلتجات.. اما اذا نفس الشي
    اذا انت ف بوظبي ان شاء الله بقدر اساعدك ف هالشي

    والله يوفقنا ويوفقك لكل خير

    [color=”DarkOrange”]
    السلام عليكم

    الغالي ماشي فايده .
    . المشكله نفس قبل . مره تمشي حالها ومره لا .
    . انا ف بوظبي …وين اسير عشان اشيك وكم بتكلفني تقريبا .

    ومشكور الغالي ماقصرت يعطيك الف عافيه…………[/COLOR]

  4. السلام عليكم ورحمة الله وبركاته

    أشكرك اخي الكريم

    السيارة جيمس جيمي 98

    وجزاك الله كل الخير

    اخي الكريم مساهم درجة رابعة
    السلام عليكم ورحمة الله وبركاته

    لو عندك فكرة أو عند أي احد من الاخوان قبل لاتنفتح الايرباك بوجهي ونقول باي باي
    ومشكلة المكيف بعد.

    ومع جزيل الشكر

  5. بدل بلكات…. وان شاء الله اتروح المشكلة

    أخي مساهم شكراً أولا على المعلومة ولقد قمت بالفعل بتبديل البلكات

    لكن مازلت مشكلة التقطيعه موجوده !!!

    عندما اسير بسرعه فوق ال70 تحصل مثل السيارة تقطع مرتين أ, ثلاث تقطيعات ورا بعض

    ما المشكله برأيك ؟؟؟

    هل ممكن أن يكون الأنجكتور مسدود ؟؟؟ ويحتاج لتبديل أو تنظيف ؟؟

    أم أنها مشكلة كهرباء في السيارة ؟؟

Comments are closed.