السلام عليكم
الغرض من هذا الموضوع .. انه يتم تبادل الخبرات وفي النهاية لمصلحة الاعضاء لهذا المنتدى العزيز
يعني اللي عنده اي مشكلة في سيارتة سواء ميكانيكية أو كهربائية ومب عارف الحل يعرض مشكلتة هنه.. وان شاء الله نفيدة بالحل .. والمجال مفتوح للاعضاء اللي عندهم خبرة أو واجهتهم نفس المشاكل من قبل انهم يساعدون اخوانهم بحيث انه يوفرون الجهد والوقت والمال ويتعلمون شي يديد فحياتهم.
اللي عنده مشكلة يذكر نوع السيارة والموديل ونوع المشكلة .. والاعراض 
لؤؤؤؤل
وحاضرين،،
تسلم اخوي راي محفظه
انابدلت الدينمو وفصلت البتري عشان يبرمج
بس ما شيء تغير
وعندي الدبل عصا مب ازرار
لما اعشق دبل كبير تكون العصا تقول كنها مجيمه
وشاكر لك التعاون يا خويه
اذا سيارتك قديمه او ماشيه وايد اتوقع المشكله في الكلجات
يمكن الحين وقت تبديلهم..
او ساعة الفلتر فيها خلل.. لانها لازم تقلل من تدفق الهواء وقت تبديل القير
وتقدر تتأكد منها بطريقه سهله (بس مب لكل السيارات)
والطريقه هي انك تشغل السياره,, وتشيل الواير اللي موصل للساعه
اذا وقفت المكينه فالساعه ما فيها مشاكل
واذا واصلت الاشتغال فبيكون فيها خلل
هلا اخوي
جيك عند الكهربجي على دينمت الشارج
وان شاء الله بيكون منها كل هالاسباب اللي قلتها
الدينمة عندك ضعيفه ويبالها تبديل … ويمكن يوم من الايام يوقف الموتر ومايشتغل وياك حتى لو البتري يديد.
وبالتوفيق ان شاء الله
خبرنا شو الحل
عندي سؤال:
فل لكزس 460 ال اس لما تشتغل الكمرا في حالة الرجوع للخلف، تظهر على الشاشة خطوط صفراء وخضراء للمساعدة في حساب المسافة الآمنة للباركنج، لكن فل Es 350 ، الخطوط الصفراء والخضراء مش ظاهرة …حد عنده فكرة عن هالشي…
شكرا