حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. بغيت استشارة أخوي في مشكلة غريبة أواجهها.

   عندي انفنيتي. بعد آخر تشييك في الوكالة. لاحظت اني لو ما خليت السيارة تحر وتوصل لأول خط في مؤشر الحرارة.. تقطع علي ,انا أسوقها.

   يعني لو قمت الصبح شغلت السيارة ومشيت على طول. بتقعد السيارة تقطع وما تمشي عدل لين المكينة تسخن وتوصل أول خط.

   بس لو قمت الصبح وسخنتها لين وصلت الخط الأول وبعدين مشيت. ما أواجه هالمشكلة.

   شو رايك؟ شو السبب؟

   مشكور وما قصرت أخوي.

   منقذ

2. تسلم يا خوي بدلت الانجكرات و ما شاء الله ممتازه جدا الى حد الان مافي اي مشاكل و احس ان صرفية البترول خفت بنسبه محترمه مادري بسبب نوع الانجكتر او لان القدام مسببين صرفيه كبيره ماكنت احسها,,على العموم السعر تقريبا نصف الاصلي وعليهم ضمان سنه

   والله زين بس ماخبرتي شو نوع سيارتك وكم موديلها…….

   وممكن عنوانهم وفكرة عن الاسعار ماعليك امارة.. جان ما ابدل انجتراتي بعد!!

   شكلي غرت منك…

3. السلام عليكم ورحمة الله وبركاته

   يعطيكم العافية و في ميزان حسناتكم ان شاء الله

   عندي التيما موديل 2003 وارد امريكا .. من فترة لما امشي بالسيارة السيارة روحها تبند

   وساعات تبند عند الاشارة بروحها .. و ديتها الفحص مال كمبيوتر قالولي في قطعتين اسمهن sensor

   و هن قطعتين وهن السبب في هالمشكله ولازم يتبدلن

   فما عليكم امر اخواني .. هل يا ترى فعلا هالقطعتين يسببون هالمشكله .. و وين اقدر احصل عليهم .. و هل الخليجي بيركب على الوارد ولا لا …

   و جوزيتم خيرا

   اخوكم

4. مشكور وما قصت ويعطيك العافية
   سرت عنده وهو الي قالي سنسر القزوز
   بس سؤاالي هل سنسر القزوز يسوي هالشي؟

   انا قلتلك انه سنسر الاقزوز هو اصلا سنسر للاكسجين ….يعطي لكمبيوتر المكينه معلومات عن درجة الاحتراق في المكينه…..بس تأثيره ضئيل جدا.. واذا فرضنا فيه مشكله ترا الفحص بالكمبيوتر يبين هذا الشيء…الا اذا الي يسوي الفحص انسان غبي( معظمهم اغبياء) ما يعرف شيء اكيد بيقولك الكمبيوتر يقول انه مافيها شيء…لكن وديها الوكاله قلهم يفحصولك سنسر القزوز……………….

   سؤال اخير….بدل فلاتر الهواء ….وفلتر البترول …جرب

5. السلام عليكم ورحمة الله وبركاته
   أنا عندي نيسان فتك 2002
   وهي من احسن السيارات في العالم
   في الفترة الاخيرة طلعتلي مشكلة
   بس للأسف ماعرفت حلها
   والمشكلة ان الحرارة ترتفع لي قريب النص
   مع اني بدلت قطع تخص الحرارة ولكن لم تحل المشكلة
   والقطع هي :
   – الراديتر
   – بيبات الراديتر
   – الترموستات (البويه)
   – الووتر بمب
   – كلج المروحة
   – جازجيت الهد مع عمل بولش للهد
   وللأسف لم تحل المشكلة ولا اعتقد ان حد منكم بيعرف شو المشكلة ولكن عل وعسى
   وشكرا

   جرب بدل غطاء الراديتر

Comments are closed.