السلام عليكم….
أنا وايد سمعت عن الظلم…بس عمري ما حسيت به كثر ما حسيتبه أمس…ياالله انا مب متخيلة انه في ناس جييه..ضايجة فيني الدنيا و مب عارفة شسوي…
اعذروني انا مب عارفة شو اكتب..متلخبط عقلي ع الآخر..بس اتمنى انكم تدعون لي..
السالفة اني كنت بالمحكمه امس..مواجهة بيني و بين وحده نصبت عليي بملايين..المشكلة ما عندي عقود غير حوالات…
أنا اقسم بالله العظيم اني سلمت الحرمة المبالغ..و انا عمري ما رضيت ع عمري فلس حرام..و يعلني ما كليت و لا شربت اذا رضيت ع روحي الحرام..
الحرمة بكل جرأة تقول جدام الناس و القضاء انا ما خذت عنج و لا فلس..
دارت فيني الدنيا..مب دريانه انا بحلم و لا بعلم..
يا فلانه انا عطيتج..اقسم لج بالله عطيتج..دخيلج..كلها ديون..الدنيا تبى و الاخرة تبى..ترضين ع روحج بيزات حرام..حسبي الله و نعم الوكيل…أذكر هذا بس اللي قدرت اقوله و أنا أصيح جدام الخلق..
ما اعرف كيف طلعت من هناك و كيف وصلت البيت..
أدعولي..
فديتج يا عود معطر و يا عبق الورد..احسكم فعلا حاسين فيني و ردودكم وايد ريحتني..الله لا يراويكم مكروه..
أحــــــــــــبــــــــــــــــــــكم في الله
اطلعينا على المستجدات ، نحن وياج قلبا وقالبا اختي العزيزة …
كلنا حاسين فيج والله
والله ييسر أمرج ويريح بالج ويفرج عليج وعلينا يارب
كثري من الإستغفار مع الدعاء وقراءة القرءان في هالأيام المباركة
واتوكلي على الله وخلج عندج يقين أن الله سبحانه وتعالى مايضيع حق إنسان
إن الله مع الصابرين يعني الله وياج شو أحسن وأفضل من هالشي
الله يكون في عون كل مظلووووووووووووووووم
أختي هذي خطوه جيده … أنج أتقولين اللي حصل تراه حصل و أن شاء الله شدة و تزول بفضل الله
ولازم أتريحين نفسج تراه هذا فلوووس ويتعوض … بس الصحه أبد مايتعوض
عليج بالصبر … واللوم النفس أبد مايفيد … وأن شاء الله القضيه تنتهي لصالحج ويرجع حقووقج كلها
ولكن لازم نستفيد أن مانخوض مثل هالتجراب مره ثانيه
وعليج بالأستغفار وأكثري من الدعاء … وأن شاء الله تنتهي القضيه على خير
والله معاج وروحي والقلب داعيلج