افضل مدرسة في دبي؟؟ضيفتكم محتاجة مساعدة؟؟

11 thoughts on “افضل مدرسة في دبي؟؟ضيفتكم محتاجة مساعدة؟؟”

1. السلام عليكم

   مدرسة الاتحاد الخاصه – جميرا (10 – 15 دقيقه)
   مدرسة المواكب الخاصه – البرشاء (15 -20 دقيقه)
   مدرسة الشويفات الخاصه – البرشاء (15 – 20 دقيقه)
   مدرسة DASS – Dubai American Seintific School – القوز (5 -10 دقائق)
   مدرسة IS – Iternation School – البرشاء (15 – 20 دقيقه)

   الاقساط لKG تتراوح بين 12 و 18 الف .. على حسب المدرسه

   بخصوص السكن: منطقه القوز قسمين (سكنيه و صناعيه)

   المنطقه الصناعيه – يمكن توفر شقق فيها ولكن انصح عدم الاقتراب منها – منطقه 100% اسياويين – روايح – شاحنات – مصانع – مستودعات – جماهير الهنود الي بتشوفينها وقت المغرب فالشوارع تخوف – مستحيل تحصلين جار عربي

   المنطقه السكنيه – نظام فلل – ما اعتقد هالمنطقه فيها شقق – الاسعار لل3 غرف وصاله – تتراوح بين 140 و 190 الف – على حسب طولة البال والبحث
   ماظن بتحصلين 2 وصاله – الا في حال ادورون ملحق – يعني تابع لفيلا – تتراوح اسعاره بين 80 وال120 للغرفين وصاله

   المنطقه تعتبر درجه 3 – مب من المناطق الراقيه مقارنة مع باقي المناطق في دبي

   اتمنى اكون فدتج فالمعلومات اختي

   والسموحه

2. مدرسة الاتحاد فجميرا احسن مدرسة من وجهه نظري

   وهي قريبة عن القوز وايد

3. أهلاً وسهلاً بالقلم الحر..
   تسلم على مرورك وان شاءالله القى احد يساعدني..

   ———————————–

   ياهلا والله بدار زايد, مدرسة الاتحاد بجميرا!!
   يعني جميرا في دبي؟؟

   اعذرني بس انا مازرت دبي قبل كدة..

   عموماً الله يعطيك الف عافية عالمساعدة..

   وان شاءالله القى المزيد من المعلومات..

   تسلموا يارب..

4. يامرحبا بج اختي

   منطقة القوز ما اعرفها وين بالضبط

   بس اخوي كان مدخل عياله مدرسة الاتحاد الخاصة اللي بجميرا

   اروع مدرسه خاصه شفتها بحياتي

   ^_^

   ويامرحبا بج بالامارات

5. يا مرحبااا بج أختنا أم بلال

   بإذن الله الأعضاء اللي من دبي بيساعدونج ^_^

   أنا من إمارة ثانية *.* لهذا ماعندي أي علم بالمدارس بدبي

   ويامرحبا بج بدولتنا …

Comments are closed.