حــــاله سوق السيارات المستعمله والجديده في الامارات

9 thoughts on “حــــاله سوق السيارات المستعمله والجديده في الامارات”

1. السلام عليكم ورحمة الله وبركاته

   تسلم يا أخي العزيز لطرحك المميز للموضوع
   وبصراحة موضوعك طرح في وقته
   وبالنسبة لسوق السيارات في الإمارات مولع نار والاسبوع الماضي زرت مزاد الجرس الذهبي للسيارات وبصراحة في ناس تزايد على سيارات ماتستاهل وبصرة جنونية وما تدخل العقل شي مش معقول أبدا مثلا سيارة يسوالها تقريبا 40000 ألف درهم وصلوها إلى 69000 ألف دره وغيرها الكثير بصراحه ماقدرنا نزايد أبدا واللي كانو يزايدون أغلبيتهم وافدين من جنسيات مختلفة وطلعت مستغرب من اللي حصل في المزاد من جنون

   وبالنسبة للمعارض في أبوظبي و العين و دبي والشارقة

   بصراحة أسعارهم غالية جدا جدا في البيع بس يوم يبغون يشترون ينزلون السعر بالتراب والله يعينا ويصبرنا انشالله

   وتقبلو مروري المتواضع

   ولكم مني أجمل تحية ومع تمنياتي لكم بالتوفيق

2. بسم الله الرحمن الرحيم

   الحمدلله والصلاة والسلام على رسول الله وعلى آله وصحبه أجمعين

   هذا رأي شخصي، و ممكن الكثير يختلف معاي

   بالنسبة لي شخصياً، سوق السيارات في الإمارات عموماً (جديد و مستعمل، وكالات و معارض) غير جدير بالإحترام

   الغالبية الساحقة (إلا من رحم ربي طبعاً) استغلاليين و مستهبلينا على الآخر

   أعتقد أن المثل المصري الشهير ينطبق علينا ( رزق الهبل على المجانيين )

   الأمثلة كثيرة جداً، و اسمحوا لي بس اللي ما يعرف مثل الأعمى

   بالنسبة لي أفضل أشتري من عند الناس العاديين أو من أمريكا مباشرةً و لا إني أعطي فلس واحد لهؤلاء اللي ما يخافون ربهم (مرة أخرى إلا من رحم ربي)

   الأمثلة كثيرة، ممكن أقول لكم بعضها، بس بترك المجال لأخواني يذكرون تجاربهم

   رأي شخصي

3. مشكله سوقنا مافيه منافسه بين التجار يعني تلقى المسعود لين يومك هاذا يبيع نياسين 2008 اظني ملكيه2009 مانزله هاي السنه بليت 2009 قاعد يبيع الاستوك الللي عنده والفطيم نفس الموال مرنا في ازمه ماليه وتعديناها الحمدلله وهم بعدهم على نفس الموال وانا عن نفسي انصح الناس تشتري من المعارض سياير على الزيرو لانه المعارض تكون عنده كميه بسيطه وحاب يحركه فلوسه ومحتاج سيوله فا تلقى مرات يبيع انقص عن الوكاله لو 3000 نعمه بعد

4. السلام عليكم ورحمة الله وبركاته

   قبل فتره تعرفت على تاجر سيارات في احد الاماكن (خارج سوق السيارات) وقمنا نسولف عن السيارات و اسعارها بشكل عام. الي فهمته انه سوق دبي قام يعتدل بس بشكل بسيط و سوق ابوظبي بعده راقد . . اما عن الاسعار بشكل عام فهي نازله وايد في سوق العوير . . يعني بسهوله ينزلون السعر ومرات يكون ارخص بوايد عن اسعار السيارات الخاصه المعروضه من الناس في الجرايد.

   اما بالنسبه للوكالات . فاخوي شاري استيشن 2009 انتاج شهر 10 سنه 2008 وفيها خرابات وايده . . مسكين ما تهنى في السياره ابدا.

   الفطيم ما بينزل سياراته الا لو الشباب كلهم وقفوا شراءهم من عنده . . بس اتوقع اسعار 2010 تكون نفس 2009 ولا مبيعاتهم ما بتكون ذاك الزود.

   و وكاله بهوان اسعارهم احسن شويه بس الفتره الاخيره اسعار اللكزس كانت نفس الفطيم تقريبا . مقارنة بما كان الفطيم يعطي من عروض مع السياره من تأمين مجاني وسيرفس

   والله اعلم

Comments are closed.