إتصل فيني مركز الفطيم للتدريب والتطوير وقالولي عندك مقابلة ييب وياك

6 صورة شخصية مب 4 أو 2 لااااااا 6

وصورة الجواز وصورة شهادة الميلاد وصورة …الخ

سرت المقابلة قالولي نحن من دبي فيستفال وعندنا شواغر قتلهم شو الشواغر

قالوا سكيورتي عشان إنته ماتعرف إنجليزي وايد والداوم شفتات مسا وصبح

من 8:30 لين 5:30 ومن 5:30 لين 12:30 فليل والدوام 6 تيام في الإسبوع

وياهم يوم الجمعة قتلهم وإنزين الراتب قالوا 4 تالاف خلال فترة التدريب التدريب

طبعا 6 شهور وعقب فترة التدريب بيزيد 13% أو 8% ، أنا كنت متردد للوظيفة

حتى هم قالولي عندك من يومين لثلاث تيام تفكر وسر شوف المول إسمه وتر

فرونت في دبي فيستفال سرت شفت المكان طبعا قبل ماتخذ قراري بالقبول

شفت المكان وايد مناسب وقريب من سكني إتصلت اليوم الثاني قتلهم موافق

والمكان مناسب قالولي المسئوله بتتصل فيك عقب عقب ماتريتهم إسبوع

إتصلوا فيني اليوم وقالوا ماقبلوك قتلهم السبب قالوا no English قتلهم إنزين

قالولي مايبون أنجليزي جان تقولي ترية شوي حطت سماعة التلفون ويلست تقول لربيعتها

شو هذا فضحتونا ويالأوادم عقب قالت لي مكتوب على الورقة جذه no English ،

أنا اللي أبا أعرفه ليش كل هاي الشعارات اللي حاطينها في مركزهم المواطن أولا

يعني حتى وظيفة سكيورتي ( ناطور ) وماقبلوني وأنا عندي ثانوية عامة ونسبتي 80% الله كريم

47 thoughts on “حراااااااااااام ماقبلوني للشغل”

  1. .

    لا ياخوي الموقع الي حاطنه انت ها قديم والي عاطنك اياه انا غير عن هذا !! انا عاطنك الموقع اليديد سير عند كلمة
    Register Now
    وأبدا بتعبئة الطلب والله يوفقك ان شاء الله

    .

    http://213.42.52.88/Recruitment/Default.aspx

    إن شاء الله مشكووور ماتقصر

  2. [align=center]

    مشكوور إخوي ماتقصر أنا إمقدم عندهم من شهور

    ومثل ماتشوف

    طلبك قيد الانجاز
    .

    لا ياخوي الموقع الي حاطنه انت ها قديم والي عاطنك اياه انا غير عن هذا !! انا عاطنك الموقع اليديد سير عند كلمة
    Register Now
    وأبدا بتعبئة الطلب والله يوفقك ان شاء الله

    .

    http://213.42.52.88/Recruitment/Default.aspx

  3. السلام عليكم اخوي

    في مطار دبي طالبين وظايف وعندهم شواغر سجل عندهم عن طريق الانترنت وبيتصلون فيك إن شاء الله

    التسجيل بالانجليزي والمقابله إنجليزي بس مايبونك تكون بلبل عادي المهم تمشي عمرك بالانجليزي سجل و جرب حظك ولا تذل عمرك حق الي يسوى والي مايسوى انت مواطن و تشتغل ناطور افا عليك بس . أتم بطالي ولا اشتغل هاي الشغله شو وين عايشين . بعدنا بخير؟؟

    والله دنيا باجر بنحصل المواطنين يبيعون جرايد ويغسلون السيارات (( والله قهر )) الاجانب توصل رواتبهم لين 50 ألف ووظايفهم جاهزه وعايشين أحسن عيشه و المواطن مب محصل وظيفه ب 5000 درهم ؟؟؟؟؟؟

    دش ها الموقع وسجل واتصل فيهم واحشرهم وسير عندهم و قابلهم ولا تسكت مب بس هني في اي مكان تبا تسجل فيه

    موقع الطيران المدني دبي

    http://213.42.52.88/Recruitment/Default.aspx

    مشكوور إخوي ماتقصر أنا إمقدم عندهم من شهور

    ومثل ماتشوف

    ]http://www.up.00op.com/data/visitors/2007/04/30/storm_285958532_1395064572.jpg (http://www.00op.com/up)

    طلبك قيد الانجاز

  4. افااااااااااا والله وين التوطين ياجماعة؟؟؟؟؟؟؟؟؟

    ماكل حبة منوم وراقد وشكله مات على ايدي الجاليات الاجنبية

  5. واحد من ربعي قدم على وظيفه في الفطيم لما كان معرض التوظيف

    وبعد المعرض باسبوعين تقريبا اتصلو فيه وقالوله عندك مقابله

    مع العلم انه يعرف انجليزي زين وبعد المقابله باسبوع اتصلوبه مره

    ثانيه وقالوا انه غير مقبول ليش ………….؟

    سألته ليش ما قبلوك قال كلها واسطات

    والله يعين المواطنين

Comments are closed.