6 صورة شخصية مب 4 أو 2 لااااااا 6
وصورة الجواز وصورة شهادة الميلاد وصورة …الخ
سرت المقابلة قالولي نحن من دبي فيستفال وعندنا شواغر قتلهم شو الشواغر
قالوا سكيورتي عشان إنته ماتعرف إنجليزي وايد والداوم شفتات مسا وصبح
من 8:30 لين 5:30 ومن 5:30 لين 12:30 فليل والدوام 6 تيام في الإسبوع
وياهم يوم الجمعة قتلهم وإنزين الراتب قالوا 4 تالاف خلال فترة التدريب التدريب
طبعا 6 شهور وعقب فترة التدريب بيزيد 13% أو 8% ، أنا كنت متردد للوظيفة
حتى هم قالولي عندك من يومين لثلاث تيام تفكر وسر شوف المول إسمه وتر
فرونت في دبي فيستفال سرت شفت المكان طبعا قبل ماتخذ قراري بالقبول
شفت المكان وايد مناسب وقريب من سكني إتصلت اليوم الثاني قتلهم موافق
والمكان مناسب قالولي المسئوله بتتصل فيك عقب عقب ماتريتهم إسبوع
إتصلوا فيني اليوم وقالوا ماقبلوك قتلهم السبب قالوا no English قتلهم إنزين
قالولي مايبون أنجليزي جان تقولي ترية شوي حطت سماعة التلفون ويلست تقول لربيعتها
شو هذا فضحتونا ويالأوادم عقب قالت لي مكتوب على الورقة جذه no English ،
أنا اللي أبا أعرفه ليش كل هاي الشعارات اللي حاطينها في مركزهم المواطن أولا
يعني حتى وظيفة سكيورتي ( ناطور ) وماقبلوني وأنا عندي ثانوية عامة ونسبتي 80% الله كريم
كمل دراستك دامك 80 %
والله ياخوي مانقول غير الله المستعان
والحال من بعضه ترا
مب بس الثانوية حتى الجامعييين متبهدلين دورت وظيفة بالشهادة الجامعية ومع العلم ان عندي دورات واخر شي يتحججولي بموضوع الخبرة كملت فترة واخر شي طنشت وحاليا اكمل دراستي يومين في الاسبوع دوام وباقي الاسبوع بطالي
ماتعرف شو يبون
كوادر إتصلوا فيني http://www.endp.ae/arabic/index.html
قالولي نبا رقم الطلب أنا يوم قدمت عندهم عن طريق الموقع علقت الصفحة وإسمي إستوا
إمسجل عندهم قالوالي لا لازم تيب رقم الطلب عطتني رقم أتصل عليه
وكل ماتصل على رقم يقولي إتصل على الرقم الفلاني لين الحين متصل على هذيل والله يعين جان
ماتزيد اللسته
043293290
043175554
043304220
ولين الحين أدور رقم الطلب طبعا بعضهم مايردون حاطينه على الانسر مشين الله كريم
اخوي يسئلك
ماعندكم في دبي برامج تطوير حق المواطنين ؟؟
في بوظبي شي برنامج “توطين” في دائرة الخدمة المدنية يدرسونك عشان تحصل على شهادات وخبرات تأهللك للتوظيف ووفي بعد برنامج في وزارة شؤون الرئاسة اعتقد اسمه “إبداع ” نفس المسئلة
أفضل مافي هالبرامج انك بتدرس وبتحصل على شهادات خبرة وفي نفس الوقت يمشوولك معاش
اخويه … الحال من بعضه .. انا عندي دبلوم عالي هندسة الكترونيات … يوم سويت المقابلة قالت لي الشاغر موجووووود 100% و اعتمد .. بنتصل بك بعد اسبوع عشان توقع العقد ….. قلت لهم اوكي … و انا لليوم صارلي 4 شهور و 13 يوم محد اتصل … خلها على الله … لو نحن من قوم كريقا و توابعهم جان اتوظفنا .. و ما عليك …