ترضين تزوجين واحد راتبه اقل من الفين ؟

89 thoughts on “ترضين تزوجين واحد راتبه اقل من الفين ؟”

1. بخصوص اذا اتقدم لي واحد راتبه 2000 درهم..

   موب معقوله يكون توه مشتغل وياي يبا يعرس لازم يكون مرتب حاله واميمع مبلغ للعرس بعدين انا اهني بعرف شخصيته اذا كان مشتغل صار له سنوات ع ها الراتب وللحين ماطور من نفسه بعرف انه هذا انسان متعايز يسوي شي حق نفسه فشو بيسوي حق غيره..!!

   اما اذا كان يشتغل صار له فتره ومرتب حاله وامفكر واميمع للمستقبل وحاط هدف انه يتزوج بس ماطور من نفسه بعد بعرف بكتشف وايد اشياء من شخصيته .. انه فكر في مسقبله وحط هدف واحد قدامه يبي يحققه واكيد يتريا انه يخلص من اللي براسه وبعدها بيحط اهداف ثانيه قدامه..

   وذا كان توا مشتغل وياي ياللاه بيعرس بقول هذا متهور وماينفع خخخخخخخخخخ..

   هذا اللي بخاطري الحين..

   طيب هو اكيد ميمع ولا كيف ياي يخطب بس هذا راتبه وعلى خلق ودين تقبلين فيه ؟؟

2. هناك من تزوج وراتبه 1200 درهما وأنا أثق بهذا الكلام وفي راس الخيمة..

   ومن جنسية عربية ..

   ومهره كان 200 درهما

   وبدون مأخر

   والأن عنده ولدين الله يحفظهما ويبارك في أبويهما..

   يا جماعة البركة وراحة النفس أهم من كل هذا المبالغ والمصاريف ..

   والله وتالله وبالله كم سمعنا عن أناس دفعوا ويدفعون المهو الكثيرة والمصاريف العظيمة ..

   ثم ما يمر شهرا أو سنا أو أكثر أو أقل وتجد الخلاف وسوء التفاهم بين الزوجين والطمع والشجع ..

   وأخير ا من بات آمنا في سربه عنده قوت يومه معافا في بدنه فكأنما حيزت له الدنيا

   الله أكبر

3. أدمج رأيي مع رأي الأخت كتكوته،

   إذا كان هذا الإنسان رجلاً بمعنى الرجل ( لا أقصد الخشونة فحسب ) بل رجلاً بمعنى انه قادراً على إخراج نفسة من عتبة الفقر إلى ميدان الراحة المادية و النفسية
   
   هُنا نستطيع أن نحترمه و نقدر مجهوده حيث يسعى لتطوير نفسه ، وهنا دور المرأة في مساعدة هذا الرجل على مواصلة تعليمه.
   
   أمَّا إذا كان هذا الرجل خاملاً، فكيما يؤكِل أسْرته يحتاج إلى شهورٍ عدّة لفعل ذلك.
   
   ياسر

   ما شاء الله عليكم كلامك صحيح 100% لازم المراة إذا وافقت على هذا الريال إلي معاشه 2000 درهم

   وهي عارفه عواقب هذا الشي

   تساعده وتوقف معاه مثلا إذا مب مكمل دراسته تنصحه بالدراسه لأن الدراسه بطوره معنويا وماديا في وظيفته

   خلق الأفكار البناءه مع بعض لبناء الأسره ومساعدة زوجها والوقوف معاه في الخير والشر

4. ضحكتني مشاركاتكمــ ,,

   تقولون مافيهـ مواطن ياخذ 2000 درهمـ !!

   بس للاسف فيهـ مواطنين يخذون 900 درهم بس هب 2000 ..

   لوترجعون وتشوفون رواتب محلية رأس الخيمة .: بتعرفون ان كلامي صدج

   الشرطي في المحليه يستلم 2000 درهم!!!!!

   ::

   والبيزات مب كل شي .. شرات مايت يمكن اتروح في ثانية وحدهــ ,,

5. اذا دخل الفقر من الباب طار الحب من الشباك
   يعني بدات المشاكل وآخرتها الطلاق
   شورايكم بالفتوى

   
   

Comments are closed.