السلام عليكم ورحمة الله وبركاته
اخواني واخواتي اعضاء منتدى الامارات
صار لي فتره ادور مشروع ادخل فيه عالم التجاره
وخطر في بالي اني ابتدي من البيت والتسويق يكون عالنت بس ماحصلت شي واغلب المشاريع مستهلكه ومتكرره وااااااااااااايد مثل مشغل خياطه او بيع العطورات والدخون (مشكله العطور تكلفتهن غاليه)
وقلت اسال هل الخبره عن مشاريع يديده ومطلوبه وكيف ابتدي ؟؟
اتريا نصايحكم
تحياتي
الله يوفقج وتصرين من أكبر التجار ………
والله أنا مثلج محتارة في شو أبدا وشكلي ما ببدأ أبداً ……..
اشوف موضوع العبايات النسائية لم يستهلك بالكامل … خاصة لو كان فيه ابتكار … !!!
بابو اللي نتعامل معاه كبر المحل وغلى اسعره والناس ما شاء الله عنده طوابير !!!
الله يوفقك الجميع يارب
الله يوفقك
اهم شي في كل شي تسوينه انج تكونين مبتكره
يعني اذا راح تبدين في موضوع حتى لو كان مكرر ومستهلك بس اهم شي الابتكار
اذا كانت الفكرة مبتكره راح تنجحين فيها
خذي لج لفه بالقرية العالمية وشوفي الشغلات اللي صعب البنات يحصلونها وخذي ارقام المحلات وتفاهمي وياهم
حتى لو تدفعين لهم كاش بالمرة الاولى والثانيه عقب بتاخذين من عندهم عن طريق الكريدت او الحساب وتدفعين لهم عقب
طريقة العرض جدا مهمه لأنج راح تشتغلين من البيت والزبائن راح تاخذينهم وتعرضين لهم بالنت
جربي تروحين صندوق خليفه وما اعتقد بيقصرون وياج
وبالتوفيق يارب