السلام عليكم كلكم يا شباب النصابين كثرو هاي الايام فالموقع طبعا شباب الامارات هم الهدف عند النصابين خصوصا الشباب اللي حاطين اعلانات طلب السيارات الالمانيه بذات مثل المرسيدس و البي ام دبليو على سبيل المثال يتصل شخص عربي و يدعي انه اردني و الله اعلم شو جنسيته من المانيا على رقم صاحب الاعلان و يعرض عليه سياره من المانيا و بسعر رخيص و خرافي و يأسلوب النصاب المحترف بيقدر يقنع صاحب الاعلان في بعض الاحيان طبعا بيرسل صور السيارت المطلوبه على ايميل الضحيه و يتصل من كذا رقم علشان يوهو الضحيه ان بياناته و كل ارقمه واضحه و للاسف انا واحد من الضحيه وفي موعد وصول السيار اختفى و حبيت انبه اخواني كلهم و انا بحط اسمه هني علشان اقطع عليه الطريق و علشان الكل يعرفه اذا فكر يعيد هاي الحركه ويا حد منكم يا اخواني و هذا اسمه _ نزار علي صالح البزور ؟ و بالانجليزي مثل ما طرش لي و مسجل عند ويسترن يونيون nizar ali saleh albuzoor ( حسبي الله عليه ونعم الوكيل كل علي فلوسي

205 thoughts on “تحذير لجميع الاعضاء ادخلو كلكم”

  2. المشكله النصابين يستغلون غلاء الاسعار عندنا ويعرض لك اسعار خياليه وربعنا هني الله يهديهم مايتعلمون الدرس

    هذي هب اول مره شخص يتعرض للنصب في المنتدى

    وفي كم شخص في المنتدى انا لين الحين اشك فيهم لاني طرشت لهم وماردوا لاني طلبت منهم ضمانات اكيده في الدوله بس مارد علي وهم يدورون الناس المغفلين الي مايسال وعلى طول يطرش بيزات

    ياشباب انا عندي لكم فكره حلوه

    الي ناوي على سياره من برع البلاد صح ان الاسعار مغريه

    بس انا عندي طريقه مضمونه وممتعه

    اول شي تسير السفاره الفرنسيه وتاخذ تاشيرة شنغل صلاحيتها 6شهور وقابله للتجديدر و على جميع دول اوروبا ب600 درهم وقت ماشفت موتر حلو وبسعر رخيص في المانيا خذ اجازه سبوع من الدوام وتاشيرتك عندك وتكون انت مرتب من قبل ويا راعي الموتر طبعا بدون ماتدفع له فلس واحد

    وتاخذ حد من الربع يكون يعرف انجليزي يوم توصل هناك تشوف الموتر بعينك ووتشحنه جوا يكلفك تقريبا 7الف

    المانيا صغيره مابضيع فيها وفي نفس الوقت سياحه اتفقت وياه وكان من نصيبك الموتر خير وبركه ماكان لك نصيب يمكن تلقى الي احسن عنه وفي نفس الوقت سياحه واستفاده

    ومهما خسرت في السفره مابتكون خسارتك مثل يوم اطرش فلوسك لواحد نصاب وتصفق ايد بايد عقب

  5. وانا من الناس اللي ايضا اتصل فيني وعرض علي السيارات اللي عنده لان عندي موضوع بالمنتدى
    بس انا قلت له اني بي له إلمانيا وبشوف السيارة على الطبيعة بس حسيت انا ما يسوي العنوة

Comments are closed.