السلام عليكم كلكم يا شباب النصابين كثرو هاي الايام فالموقع طبعا شباب الامارات هم الهدف عند النصابين خصوصا الشباب اللي حاطين اعلانات طلب السيارات الالمانيه بذات مثل المرسيدس و البي ام دبليو على سبيل المثال يتصل شخص عربي و يدعي انه اردني و الله اعلم شو جنسيته من المانيا على رقم صاحب الاعلان و يعرض عليه سياره من المانيا و بسعر رخيص و خرافي و يأسلوب النصاب المحترف بيقدر يقنع صاحب الاعلان في بعض الاحيان طبعا بيرسل صور السيارت المطلوبه على ايميل الضحيه و يتصل من كذا رقم علشان يوهو الضحيه ان بياناته و كل ارقمه واضحه و للاسف انا واحد من الضحيه وفي موعد وصول السيار اختفى و حبيت انبه اخواني كلهم و انا بحط اسمه هني علشان اقطع عليه الطريق و علشان الكل يعرفه اذا فكر يعيد هاي الحركه ويا حد منكم يا اخواني و هذا اسمه _ نزار علي صالح البزور ؟ و بالانجليزي مثل ما طرش لي و مسجل عند ويسترن يونيون nizar ali saleh albuzoor ( حسبي الله عليه ونعم الوكيل كل علي فلوسي

205 thoughts on “تحذير لجميع الاعضاء ادخلو كلكم”

  2. ربي يعوضك ان شاءالله ويرجعلك حلالك

    وانا من الناس اللي ايضا اتصل فيني وعرض علي السيارات اللي عنده لان عندي موضوع بالمنتدى

    مطلوب g500 وبناءا على هذا الموضوع اتصل فيني وانا طبعا ما اهتميت لموضوعه لعدة اسباب

    اولها اني ما اعرفه ومافي اي مرجع له بالدولة بحيث اي شي يصير يكدر الواحد يدبر عمره

    ورقم تليفونه هو 004915775652444 ويدعي بانه بدوي من بني صخر وينقاله بودحام

    تقبلوا مروري

  3. انا صارت معاي نفس الشئ بس من امريكا, واحد متصل ومسوي عمره مهتم في الاعلان.. اتوقع كان هندي او باكستاني .. طبعا الاعلان كان محطوط في موقع ثاني .. من قلتله في واحد ربيعي من امريكا بي يشوفك عشان بتفاهم وياك اختفى الحبيب وما بين مره ثانيه و قام ما يرد لا على تلفوناتي ولا على تلفونات ربيعي الي من امريكا.

    محد يطرش بيزات لشخص ما تعرفونه او ما تقدرون توصلون له

    وبالمره اقولكم عن وايد من المواقع الصينيه الي تحط سلع رخييصه وايد .. على سبيل المثال يحطون لابتوب ب 500 درهم وهو اصلا بالامارات 3000 درهم .. هاي المواقع بعد انتبهوا منها ..

    ودمتم سالمين

  5. السلام عليكم ورحمة الله وبركاته

    يااااه … طريقة قديمة جدا في النصب…
    طبعا الله يعوض صاحب الموضوع كل خير … ولكن المشكلة مب في النصاب في المشتري كيف نسمح لهم ونشجعهم على هذا الشيء بحجة أن السيارة أرخص وأحسن وقالوا في الأمثال (( أن القانون لا يحمى المغفلين )) فإلى متى نصبح مغفلين .. وهل معقول إلى الأن يوجد أشخاص سذج يستمعون إلى أي شخص ويثقون فيهم وعبر التليفون فقط .. هذا عجب العجاب…لو كانت طريقة النصب حديثة أو من نوع جديد كنا نقول معلش ولكن هذا النوع بالذات قديم قديم قديم جدا.

    يا خوي انت ملتزم
    و الريال حاط الموضوع لنصيحه اخوانه مب علشان تقوله هالنظام قديم و يمشي عالمغفلين s:
    قول الحمد لله و ادعي للريال ان الله يردله حقه في الدنيا و ان شاء الله حقه محفوظ فالاخره
    مافي داعي لكل هالكلام و من عاب ابتلى يا أخي الملتزم

Comments are closed.