السلام عليكم كلكم يا شباب النصابين كثرو هاي الايام فالموقع طبعا شباب الامارات هم الهدف عند النصابين خصوصا الشباب اللي حاطين اعلانات طلب السيارات الالمانيه بذات مثل المرسيدس و البي ام دبليو على سبيل المثال يتصل شخص عربي و يدعي انه اردني و الله اعلم شو جنسيته من المانيا على رقم صاحب الاعلان و يعرض عليه سياره من المانيا و بسعر رخيص و خرافي و يأسلوب النصاب المحترف بيقدر يقنع صاحب الاعلان في بعض الاحيان طبعا بيرسل صور السيارت المطلوبه على ايميل الضحيه و يتصل من كذا رقم علشان يوهو الضحيه ان بياناته و كل ارقمه واضحه و للاسف انا واحد من الضحيه وفي موعد وصول السيار اختفى و حبيت انبه اخواني كلهم و انا بحط اسمه هني علشان اقطع عليه الطريق و علشان الكل يعرفه اذا فكر يعيد هاي الحركه ويا حد منكم يا اخواني و هذا اسمه _ نزار علي صالح البزور ؟ و بالانجليزي مثل ما طرش لي و مسجل عند ويسترن يونيون nizar ali saleh albuzoor ( حسبي الله عليه ونعم الوكيل كل علي فلوسي

205 thoughts on “تحذير لجميع الاعضاء ادخلو كلكم”

  1. اخوي عنده s500 موديل 2008 ماشي شوي اي لون المهم بيج من داخل؟ كم يتحصل ماعليك امر؟

    سمحلي اخوي اسولف

    اما انا عجبتني سالفه (انتو المقصودين يا عيال زايد) ===> يسمونها نظريه المؤامره
    عادي اخوي تعيش وتاكل غيرها، المهم لا تطرش فلوس لحد ماتعرفه

  2. السلام عليكم

    مع احترامي للجميع … الغلط غلطكم موب غلط الريال … كيف ؟؟؟!!!!

    الحين كيف الواحد يشتري (( سمك فـ بحر )) ؟؟؟ لازم يكون عندهم مكتب أو مكان معروف و له اسمه و سمعته هني فالدوله و تتواصلون ويا الشخص الي فالخارج عن طريق هالمكتب .. وهو يعطيكم الضمانات اللازمه .. في حال لعب بذيله تقدرون تحاسبونه عن طريق الجهات المختصه بالدوله ..

    حتى الضمانات لازم تكون من مكتب معروف .. و الواحد يقدر يتأكد من الإسم عن طريق الدائره الإقتصاديه … موب واحد فاتح محل مترين في مترين …

    لكن أنا أطرش فلوسي حق واحد ما اعرفه ولا اعرف منو هو ؟؟؟!!!!

    يا جماعة تحذروا … ترا النصاب ما بينصب >>> إلا اذا حصّل حد ينصب عليه

    و الله الواحد يتغصص يوم يسمع انه حرامي ناصب على واحد من الشباب …

    ربي يعوض عليك أخوي … و انشاء الله ما ينصب على حد

    الله المستعان .. وحسبي الله و نعم الوكيل

  3. لا حول ولاقوة الا بالله بس بينك وبين نفسك كيف تثق بشخص يكلمك فالتلفون وبدون ضمانات ويقولك طرش فلوس وانت تطرش يرجى محاسبت نفسك على غلطك الفادح اللي خسرك فلوسك

    والله بيعوضك

Comments are closed.