السلام عليكم ورحمة الله وبركاته
اخواني اخواتي احبتي في الله
مبروك لنا ومبروك لكم
زخوا عصابه ابليس …
فديت شرطة الشارجه
وربي يبارك فيهم ان شاء الله
صدق ما قصروا،،،
اتصل في زوج اختي القائد العام لشرطة الشارقه
الهديدي بارك الله فيه ويزاه ربي كل خير
وقال له سلم على فهد وام فهد
وخبرهم ان مسكناهم كانوا منخشين في مزراع الزبير
ولله الحمد حمدا كثيرا طيبا مباركا فيه
صدق فز قلبي من الفرحه ….
سبحان الله الخبر يانا في هاليوم الحلو …
الحمدلله ….ومشكورين اخواني واخواتي وهذا بفضل دعواتكم الطيبه
ودعوات كل الناس الطيبه
ربي يحفظكم
واكيد التفاصيل بخبركم عنها ان شاء الله
اول ما توصلني
ودمتم لي بكل خير
اختكم
سهمي عالي
الحمدلله رب العالمين ان زخوهم
وان شاء الله يأدبونهم
ليكونو عبره لغيرهم
أضرب الكلب يتعض الأسد
أتمنى يعاقبونهم اشد العقاب ويكونون عبرة لغيرهم
وبالبركة
اللهم لك الحمد ولك الشكر
الف مبروك لنا جميعا
بصراحة خبر جدا مفرح
بارك الله فيهم حماة الوطن والله يحفظهم ويسدد خطاهم
وان شاالله المجرمين ينالون اقصى عقوبه وخل ابليس ينفعهم
الله يشفي فهد ان شاالله وتكتمل الفرحه والحمدالله اللي الله نجاه
يستاااهلون مسودين الويه
حسبي الله عليهم
عساهم ينجلدوون لين ماتنصلخ جلودهم
ألف مبروك اختي .. و صج تستاهلون كل خير .. وان شاء الله يكون فهد احسن بوايد عن قبل .. ويقوم بصحه وعافيه ..
واتمنى من الي زخوهم بنالون جزائهم.. و عن موضوع التنازل الله يعينكم .. بتييلكم اتصالات لين راسكم .. لكن الأمر كله عند ابو فهد وام فهد .. وصدقوني السجن لا يعلم .. بل يوسخ .. مفروض ييبونهم واحد واحد و يضربوه لين ما يقول بس !! عقب يفروه شهر بحبس و يطلعوه .. صدقوني بتوب مدى الحياه ..لان لو حكموا عليهم بسجن .. ما شىء فايده.. بعضهم بيطلع ( كفاله ) .. و صدقوني تصير وتصير وتصير !!
الله يكون في العون .. واهم شىء فهد يقوم بالسلامه ..
السموحه منكم