ايجابيات وسلبيات الكزس570 ولاندكروزر الجديد

137 thoughts on “ايجابيات وسلبيات الكزس570 ولاندكروزر الجديد”

1. بصراحه السياره ماعليها كلام أنا ماخذ وحدة موديل 2008 vx-r طبعاً فالرمل ماعليها كلام بس يعتمد على السائق ومن حيث المواصفات الكاميرا الخلفيه وايد واضحه طبعاً سقت الـ x-6 والبورش وشفت أن كاميرة الاشتيشن أوضح بوايد، الشكل جداً مقبول في وايد ناس يتذمرون من الشكل لأن مب حاط في باله أن ياخذ الاستيشن عسب جذي يقولون هالكلام الفرق من بين 2008 والـ 2009 الزوايد اللي عالباب وثاني شي الليتات LED من داخل طبعاً اللي فالبيبان والارضية وعن الهيدوليك الدفلوك مانزولوا منها لحد اللحين.

2. والله الاستيشن من ناحية الفخامه ماعليهاا رمسه ومقارنه بالفتك جنها لكزس جدامها

   ليش نقول سعرهاا غالي ومادري شوو

   اهم شي السعر مايطيح يعني 260 الف والله اشوفهاا اووكي

   انا للحينه ماشفت عليهاا اي عييب وسياره عمليه ماتصرف وايد بترول

   لو ينزلون مكنة الـ 5.7 هنيه اسميه بتكسر السووق

   الشباب يقدرون يوردونها من الخارج بس مع القانون اليديد المسموح بخمس سنوات من عمر السياره محد بيخسر بيزاته وبييبهاا

   لو مب هالقانون والضمان الدولي كان يمشي هنيه كلهم بييبون استيشن من برع

   يارياال قبل ماتنزل حطوا عليها حط وشوفها كيف منتشره الحين

   ماشي بيت يخلى من استيشن اكثر سياره منتشره حتى مغطيه ع التكاسي من كثرتها ههههـ

   وعن الهايدروليك موجوده في الـ 5.7 اظن بس

   دخلت موقع الفطيم وجيكت عالـ 8 سلندر Vxr وماحصلت ديفلوك وهايدروليك بين المواصفات

3. تسلم ياخوي عالمشاركة الطيبة وبخصوص الدفلوك والهايدروليك عندي ريال مظهرنها من البهوان فل فل ابشن فتحه وجلد وشاشة موديل 2008 وانا شايفنها بس مافيها لادفلوك ولا هايدروليك

   اخوي تقصد هو مشتري الفيكسار رقم واحد ولا ؟؟؟؟؟

   لان اعتبر هذا الشي غش ويقدر يفتح عليهم بلاغ في المحكمة بالنصب والاحتيال ^_^

4. الموتر مريح في سواقته وهيبه ومكينته قويه ولكن في عيبين وانا متأكد منهم لاني وصلت الموضوع لمدير عام اللكزس إلي مكبته موجود في دبي فيستفال ستي. ..
   1 – القير يوم يبدل من 1 إلى 2 فيه دقه وأيضا عند الوقوف في دقه بعد خفيفه بس تحسبها.
   2 – الستيرنج (السكان) ثجيل اذا بتقارنها باللكزس Lx 470 موديل 2007 (الشكل الجديم).
   وطبعا هل المشكلتين في 90% من السيارات الموجوده عندنا وعلى كلام المدير انه في قطعتين وحده للقير والثانيه للستيرنج طلبوهم لجميع السيارات هذي وسيتم تبديلها على الضمان والاتصال فالزبون فور وصولها .
   إلي خلاني احتشر عليهم واوصل للمدير انه وانا مودي الموتر فالتشيك الاول (1000 كم) كان شي 4 شباب وعندهم نفس المشاكل وعسب جيه اتفقنا انه نظهر من الوكاله وسيده عند المدير فدبي.

   غير إلي ذكرته الموتر من أروع ما يكون وبالنسبه للعيوب تراها بسيطه وبتتبدل على الضمان حتى لو مشيت السياره فوق ال 100 ألف دامك اتشكيت من هل الشي وأرجو من جميع الاخوان الي عندهم الموتر انهم يطالبون في حقهم

   عندي وارد بهوان والحمدلله القير ما في اي عطل

5. الاستيشن اليديده الفطيم والبهوان ما فيهن هيدروليك للمعلومه بعض الاخوه يفكر الفص او الفرار اللي جنب القير حق الهيدروليك لا يا اخوان انا عندي vxr v8 وهذا نظام عاملينها لتغريزه يوم اتغرز السياره اتشغل هذا النظام والنظام يقوم بعمل ارتجاج في دوران التاير اي بمعنى ايدور التاير مع الارتجاج وبعدي فيه ثلاث سرعات يعني تقدر اتخليه بطيء او وسط او سريع وميزت هذا النظام انك بعد ما اتشغل النظام بس ادوس على الريس اشوي وبعدين اتشل ريلك من الريس وهيه تمشي لحالها يعني ما عليك الا اتلف الاستيرنج يمين ويسار وفي حالت انك فتحت الباب ايوقف النظام اتوماتيك يعني سيفتي بس اللي ما يبقي ايعور راسه يفتح الدريشه حق السياره ويحول من السياره وهيه لحالها بتطلع ههههههه شب الضو وسو شاهيك يوم بتطلع افتح الباب وبيوقف النظام طبعن هذا النظام لتغريزه واللي فيها هذا النظام ما فيها دفلوك لانها يعتبر هوه دفلوك بس نظامه غير وعلى فكره يوم اتشغل النظام تراها يعمل ارتجاج لسياره فلا اتفكرون انها في شي غلط في السياره لانه هذا هوه النظام

Comments are closed.