السلام عليكم
نظرا للأقبال والمشاركة الكبير لموضوع ايجابيات وسلبيات
اللكزس 570 والاستيشن اليديد دمجت موضوعين في واحد لسهولة الوصول الي الموضوع واهميتة لكثير من الاعضاء
اشكر العضو النشيط المتميز صاحب الموضوعين
العضو
74407
السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
الصراحة موضوع طر
لكن اللكزس احسه غالي
مب انه ما يستاهل العكس والله سيارة وحولة وجيمتها فيها
لكن سؤال يطرح نفسه
انا جربتها في الرملة احسها مافيها ذاك العزم ساعات تثقل وايد احسها بتغرز
السيارة غالية ومافينا تتكسر وعقب الوالد يطيح فيني
واهم شي
انا اخاف اطلع ابها العراقيب الكبار ولا اقطع داخل داخل الرملة ليش؟؟؟؟
انا اقولكم ليش
لكن جان تبو الصراحه السيارة كشخه
حق خطوط طر
حق دوس طر
حق راحة طر
قطع غيار رخيصه
قطع غيار تلقاهن في كل مكان
هالموتر ما يباله غير تنزيلة وبس
لكن اننيي حق الاهم
الحمد لله عندنا سياير في البيت
عندنا امريكي كان عندنا الماني
وعندنا
لكن الصراحة ما احب الدش الرملة الا باستيشن
لانه يعطي وقت الحاية وما يقول لأ
عندي ستيشن 97 وكل ما نبا نبيعه وايينا شرراي نكنسل
لانه الصراحة الستيشن سيارة مهما دفعت عليه سعره فيه والحمد لله
والي يبا يجرب ويشوف الفرق بين اللكسز والستيشن الي في الصورة
يطرش لي عالخاص وبييب له الموترين في رملة زاخر ولا البدع ويقولي رايه
والحين ناوي اخذ ستيشن 2009 ستندر حق لعب لقيته وارد الفطيم بـ 135 عالزيرو وناوي عليه
ولو حد يعرف مكان القاه ارخص زين
والسموحه على المداخله
حبيت بس اضيف النقطة عن سيره في الرملة
بنالسبة لي انا اول ماشتكيت فالوكالة بدلولي الشفت وبدون اي نقاش .. بس بعد عانيت من نفس المشكلة … رديتلهم .. وقالولي مشكلة فالقير .. وحاليا الموتر فالوكالة
السيارة لاندكروزر Gxr V8 2008
بالاضافة الى عيب الشفت فقد تم تكريزه اول مرة وثاني مرة بدلو قطعة والحين لا اشتكي منه
اما عيب البريك فقد بقيت اشتكي في كل تشييك ولا فايدة يقولون هذا طبيعي وبعدين طلبت تقرير بعدد مرات تكراري البلاغ عن عطل البريك لكي اتقدم ببلاغ في وزارة الاقتصاد وهددتهم بانني سوف احملهم المسؤولية في حالة وقع حادث لاقدر الله
اعترف المهندس انه عيب مصنعي وبسط في غطاء طرمبة آيل البريك وفعلا اعطاني طرمبه لسيارة عاملة حادث وإلحين اكثر من 7000 كلم ولا مشاكل علما انني مازلت انتظر تبديل القطعة حيث انه اكد ان القطعة التي في المخزن بها نفس العيب وهم في انتظار قطعة بمواصفات جديدة
اخوي ركز في هذه النقطه .. starting at .. قصده .. تبدا على !!!!!!!
يعني انت كمل وضيف المواصفات اللي موجوده فالفطيم .. وشوف بكم تطلع ..
صح يمكن يظهر الفرق اكثر عن 30 الف .. بس لا تنسى انه يوجد جمارك .. ومن هذه السوالف
والله اعلم .. ومن وجهة نظري .. السعر مبالغ فيه شويه ..
والسموحه .. للتنويه فقط
بالنسبة للإستيشن الخليجي
الحجم والمكينة غير متجانسين ، الحجم كبير و المكينة لا تتناسب معها (ثمانية سلندر)
السيستم في vxr (فل أوبشن) غير فعال في الرمل
تسارع السيارة غير مقبول في الطرق المعبدة وفي صعود التلال الرملية
تجمع رمل بشكل غير طبيعي على الزجاج الخلفي
لا يوجد تحكم في الهيدروليك
الخشب مصبوغ و يتقشر
الراديو فيه 6 محطات قابلة للضبط فقط و فيه SW band ما له فائدة
طبعا الشفت فيه عيب مصنعي
سيارة مريحة
إستهلاكها عادي للوقود
مكيف ممتاز
ثابتة على الخط بسبب الوزن
كمالياتها جيدة مقارنة بالشكل السابق
يفضل:
تغير الماكينة إلى 5.7
تغير الشفت
تركيب نظام تلفزيون في شاشة الأمامية ونظام DVD في سقف للمقاعد الخلفية