السلام عليكم
نظرا للأقبال والمشاركة الكبير لموضوع ايجابيات وسلبيات
اللكزس 570 والاستيشن اليديد دمجت موضوعين في واحد لسهولة الوصول الي الموضوع واهميتة لكثير من الاعضاء
اشكر العضو النشيط المتميز صاحب الموضوعين
العضو
74407
السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
أخوي هذي المشكلة موجودة في الإستيشن واللكزس
المشكلة في شفت لأن الجريز الذي فيه وبسبب عيب مصنعي يستهلك (يجف) بسرعة
والحل الموجود في الوكالة (الفطيم / البهوان) تعبئة الشفت بالجزيز فقط (دون تبديل الشفت)
تقريبا معدل إستهلاك الجريز في الشفت هو 5000 كم يعني يوم تبدل آيل مكينة ، تزيد الجريز في الشفت حتى تستفيد الوكالة
بالنسبة للاستيشن :-
عندي V8 Gx-r م 2009 مرات يوم اخف السرعه على مطبه او أي شي عقب امشي احس ابدقه من ورا جنه حد دعمني ومرات يوم اوقف عقب ثواني احس ابنفس الدقة.. راجعت الوكاله قالولي من الشفت.. وبدلوها .. بس بعدني اعاني نفس المشكله !!
موضوع جميل ومفيد
بارك الله فيكم
ألف مبروك أخويه يعطيك خيره ويكفيك شره موتر ولا أروع والعيد الي طاف سرتبه قطر واليوم راد من قطر وما شاء الله عليه ثابت ومريح على الخط وله هيبه وصرفيته معقوله.
قبل فترة شفت حلقة توب جير النسخة الاسترالية وكانوا يقارنوا بين اللكزس والرنج والاودي وكان في عيب فاللكزس انه يدخل الغبار داخل السيارة لو مشيت بيها فالرملة !!!