السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”


  1. ممكن s500 او s550 بس يكون amg موديل 2007 بسعر حلو واللون طبعاًًًًًً ابييييض وبانوراما اذا ماعليك امر ممكن اذا ذهبي ومشكوووووووووووووووووووووور

    لقيت لك هاي ..

    شكلها عليها اي ام جي بمبر بس مو متاكده لو الكت كامل انته شوف الصور . شوه هاللي اتريده او لا

    وماشيه السياره 20 الف مايل تقريبا

    سعرها واصله البلاد ..

    252 الف درهم

    وتقبل تحياتي

  2. السلام عليكم

    بغيت اسال عن ال Fj

    2007 و 2008

    أبيض فل ابشن

    ما لقيت لك ابيظ بسعر مناسب

    اقدر اوفر لك ازرق .. سماوي .. اصفر .. عنابي .. فظي ..

    بسعر 85 الف درهم شامل كل شي .. موديل 2007

    وشكرا

  3. ما قلتلي رايك فالسعر اخوي

    وكم زياده عليه تبي عشان هالمواصفات

    والسموحة

    السلام عليكم اختي االمواصفات المذكوره موجوده بفئة اللمتد لدينا بالسعوديه يبدا من 138000حتى158000 لموديل 2009 طبعآ ع الزيرو من وكالة تويوتا
    بالنسبه لعرضك في السياره 2008 لم توضحي اختي اي شي عن السياره* اللون 4*ويل ولا2*ويل *المقاعد * العداد * الفئه وشي* لمتد او* ستاندر اوب*لتينيوم* العجلات* المونيوم مقاس 20 ولا *مقاس 18 *اللون الداخلي* جلد ولا ستاندر* قماش* رصاصي *ولا بيج
    اعتقد المعلومات متوفره عندك على الموقع المعروضه فيه السياره.

    السموحه

  4. ادري اخوي

    انا هالكلام دايما اقوله حق الشباب

    بس ريلي دوم يقول انزين قوليلهم عشان يتاكدون

    وبالنسبه للبقي انا بقول حق ريلي ايشوف الموظوع و يرد عليك خبر ..

    تحياتي

    الله يوفقج في هذي التجارة ويعينج على صدعتها ……… والسموحه

  5. بكمل الردود عقب ,, الحين لازم اروح

    سوري ع اللي تاخرت عليهم

    سيتم الرد ع الخاص عقب ما اخلص الموظوع

    تحياتي

Comments are closed.