السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. هههههههه
    اعصابج
    ويا راك هذا موقع احسب مبلغ الموتر روحه كم وعقب تعال اتفلسف
    سعره بالدولار يعني ($)
    169,950
    بالدرهم يطولي بعمرك يعني
    624,226.35 AED

    تأكد روحك من السعر من هنيه
    XE.com – UCC Error

    ولو انا مكانج يا اختيه مارديت عليه وسفهته !!

    ههههه شكرا على مرورك الدايم الجميل فالموظوع ياخوي احم احم

    والله صدق المفروظ ما ارد ع هالاشكال ..

    ع العموم عرفنا شوه انسوي المرة اليايه

    وربي يوفقك وتحياتي لك

  3. اعصابج اعصابج

    وش عليج امنه

    طبيه

    واذا مب عايبنه خل يسير قرقاش ياخذ السياره

    بتظهر له فالمليون

    وليش هذا كله

    انتي مالج حايه عنده

    هو لي محتاي ويسال

    والسموحه ^^

    هيه والله صدقك ياخوي .. المفروظ ما انزل مستواي و ارد ع هالاشكال ..

    مشكور ع التواجد فالموظوع اخوي .. و ع المرور الطيب الدايم ..

    وربي يعطيك العافيه

  4. بالنسبه لدخول الموتر استفسرت عن الموضوع وقالو مافيه مشكله يدخل

    واذا تحصلين لكزس lx470 موديل 2001 او 2002 بسعر 14000 دولار خبريني

    ويكون اللون فاتح ذهبي او لؤلؤي او فستقي فاتح او اي لون فاتح

    ولو حصلت راح اخلي صديقي عندكم في امريكا يكلمك بس اهم شي يكون الموتر نظيف وممشاه مو كثير

    وانا جاد جدا

    هلا اخوي .

    اخوي سالت امنوه .. لانه انا سالت .. وقالولي لا ما يدخل و الله احترت بهالسالفه .. !

    مشكور اخويه لانه سالت والسموحة

    ياليت اخوي تسال جهة مختصه وسمحلي ع الازعاج و شكرا

  5. ممكن استيشن لكزس 2009 زيرو كم من الوكاله

    حبيت اعرف كم سعرها واصل الامارات انتظر الرد على الخاص لقلت دخولي المنتدى بين فترات

    هلا اخوي ..

    نصيحتي لك هالموتر خذه من البلاد نفس سعري بيكون لانه يديد و عليه ظريبتين و غيره ..

    والسموحة

    __________________

Comments are closed.