السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. اف جي لون الجيشي 2007

    اخوي مادري شوه تقصد بالجيشي ما لقيتلك .. راوني صوره عشان اعرف

    المهم لقيتلك وحده سلفر

    85 الف واصله لين عندك

    قوللي رايك فالسعر ..

    ماشي 59 الف من داخل رصاصي


    والسموحة ع القصور ..

    __________________

  2. انا لقيت وايد بس احترت شو احط من روابط مايهم اللون بس الاهم يكون من داخله بيج او رمادي فاتح بس ول كانت السياره تستاهل هب مهم اللون الداخلي والخارجي اهم شي اسعارها تستاهل

    انتظر ردج بخصوص البي ام تقريبا لقيت في النت سعره البي ام على 26 الف دولار و27 و28 واللكزس على 22 و24 الف دولار

    هب مشكله ل وفيها دعمه المهم مايكون فيها عيوب وخرابات

    وشكرا اختي بارك اله فيج وفي شغلج

    لقيت لك اخوي هاي فظيه من داخل اسود

    ماشيه 81 الف مايل ..



    سعرها .. 25 الف دولار شامل كل شي لين عندك ..

    ————————————

    وبالنسبه للبي ام

    لقيت لك هاي السودا 745 آي

    ماشيه 78 الف مايل ..

    سعرها واصله البلاد .

    115 الف درهم شامل كل شي ..

    والسموحة منك .. و حياك الله تامر امر انته يا اسير بوظبي

    شكرا ع الطلب الجميل .. ولو عندك اي استفسار او اي ملاحظة خبرني ..

    __________________

  3. اختي انا ميزانيتي 40000

    وابي بيكاب سلفرادو 1500 مديل 2003 الى 2006

    ويفضل تكون 4×4 وقير عادي ولونها أحمر ومخصر

    هلا اخوي ..

    بالمواصفات مالتك .. ما لقيت لك سياره بهالسعر ..

    لو غيرت اللون في احتمال بسيط اني القالك شي بحدود سعرك .. اول وحده حمرا بمواصفاتك لقيتها كان سعرها بروحها بدون ولا شي .. 33 الف درهم .

    لو تحسب شحن و جمارك بيطوف ميزانيتك ..

    والسموحة

    __________________

  4. السلام عليكم

    اخوي عندك Aston Martin Vantage V8 ويكون لونها ابيض

    موديل:2008

    هلا اخوي ..

    اخوي كم حدود السعر الي يناسبك ما حددت

    وانا حاظــره
    __________________

  5. اختيه بغيت سي ال 550 ،،موديل 2007 او 2008 بحدووووود 200 – 250 الف .. اللون: أبيض او اسود بس من داخل ابغيها بيج …

    هلا ختيه

    سوري ع التاخير فالرد ..

    كان عنديه ظروف

    بالنسبه لطلبج … ما اقدر اوفرلج هالموتر بهالسعر ختيه .. ارخص شي لقيته و ما كان من داخل بيج كان سعره اعلى عن حدود سعرج

    والسموحة

    __________________

Comments are closed.