السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. السلام عليكم

    اسعاركم وايد غالية

    AutoTrader.com – Buy Used Cars, New Cars, Sell a Car, Find Car Dealers

    ها الموقع اللي تيبي منه السيارات ارخص بوايد

    وسعر السيارة بالموقع + 18000 درهم قيمة الشحن وكل شي ؟

    ومنو قال اني انا خاشه عن الناس الموقع الي اييب منه المواتر !!!

    وازيدك من الشعر بيت

    هاذا الموقع الثاني الي ادور منه بعد

    cars.com

    انا بعظ الاعظاء اطرش لهم الموقع عشان يدورووووون ع الموتر الي يبونه و عقب اقولهم ظيفو ع السعر كذا و كذا شحن و جمارك و عمولة .. و عقب اكمل الاجراءات !!

    وانته ليش شاد حيلك وايد و كنك كشفت سر المهنه يعني ههههههههههههههه

    عادي ياخوي .. الموقع حطيته في اكثر عن رد عشان يساعدوني الاعظاء فالبحث و يسهل موظوع انه الواحد يدور ع الموتر الي يعجبه و انا اخبره عقب تفاصيل السعر الباجيه

    الله يعينك ع اللي فيك اخويه حالتك صعبه !!!

    ع العموم شكرا ع المرور

    __________________

  2. انا ما يبت شي من عندي ..بس هي تبا تعرف كم سعر السياره في البلاد .. و انا قلتلها السعر ..

    صح اخوي .. انا بغيت اعرف السعر عشان اشوف لو تسوى انك تاخذها مني ولا السعر الي لاقنه فالبالد احسن ..

    السعر الي حطته هيه سعر السياره في شهر 6 كان حوالي 103300 دولار الي هو ما يعادل 394 الف درهم مثل ما تفضلت الاخت …

    لا اخوي غلطـــــــــــــــــــــان انا السعر الي عطيتك اياه مجيكتنه فالوقت الي حطيتلك اياه في موقع الوكاااااااااااله .. و كان ارخص موتر لقيته و لو لقيت واحد غيره بنفس السعر الي انته اتريده تعال عطني الرابط وخبرني عنه ..

    لاكن الحين الاسعار تغيرت .. و خصوصا انه اكبر شركتين في امريكا الي هم gm , ford خسرانين اكثر من 60 % …. انا عطيتها سعرها الحالي في الامارات .. في شهر 12 .

    من وين ياين هالرمسه اخوي .. للاسف .. يسعدني اني اقولك مصدر معلومانك غير موثوق فيه… لانه يعطيك معلومات غلط .. و هالشي ما صار ( سعر المواتر داااااااااااون !!! ما نزلت غير شووويه و مو كل المواتر ) و الدليل سعر الموتر الي عطيتك اياه هو سعره الحالي الحينه فالوكالة .. تقدر تدخل موقع وكالة شفرليت و تجيك .. و تتاكد .. ع الاقل موقعهم ( مصدر موثوق للمعلومات ).. والسعر الي عطيتك اياه هو السعر الحالي و الاسعار ما تغيرت شرات ما انتشرت ( الاشاعاااااااااااااات ) الي الكل يصدقها للاسف .. وانا ما عندي علم باسعار المواتر فالامارات .. لاني اشتغل في هالمجال في امريكا .. وهاذا موقع شفيرليت تقدر تدخل و تتاكد من السعر الي عطيتك اياه .

    Chevrolet | 2009 Corvette – Sports Car Convertible

    انزل تحت شوي بتلقى ال زد ار ون ع اليمين و بتلقى السعرر

    على العموم .. شكرا مره ثانيه ..

    الرد فالاقتباس .. فوق و شكرا ع المرور اخويه ..
    __________________

  5. ^
    ^
    والله يااخوي بنتلي ماريد امدح عشان ماتقولون لي حايه ويااها
    لكن هي احسن الاسعار افضل عن غيرها .. وان ماعيبك السعر
    خذلك من البلاد .. ولاتنسى سعرها بيكون شامل الجمارك والشحن
    والشحن الداخلي وهي اصلا ماقلتلك السعر كامل عشان تقول هالرمسه

    حياك الله اخوي .. و تواجدك فالموظوع ع العين و الراس

    وكثر ربيه من امثالك فالمنتدى .

    شكرا ع التشجيع الرائع .. و الله يقدرني اكون عند حسن ظن اليميع يارب ..

    والسموحة

    __________________

Comments are closed.