السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. في الامارات ارخص … ب 365 الف …

    و سعرج ها ستارت برايس مثل ماتقولين …يعني ويا الشحن والجمارك و فايدتج كم بتطلع ..؟ 450 الف ؟

    على العموم شاكر لج مجهودج

    هلا اخوي ..

    لو تراجع الردود الي قبل .. انا قلتلك خبرني كم سعرك الي حاط فبالك تدفعه ع الموتر وانا عقب بشووووف لو اقدر اوفر لك الموتر او ما بقدر ..

    وعقب لما قلت لي 200 و شي الف .. قلت لك مستحيل اقدر اوفره لك .. لانه سعره فالوكاله ثلاثمية و شي و انته اتريده ع الزيرو .. وكالة ..

    ما قلت لك انه هاذا السعر( بييبلك اياه ) طبعا لانه انته قلت انه فالبلاد ارخص .. يعني انا ما كان قصدي اني اعرظ عليك السعر .. بس كان قصدي اني اوظحلك الفرق فالسعر و اراويك انه ماله داعي تطلبه مني لو كنت لاقيه بسعر حلو فالبلاد ..

    عشان جيه انته ماله داعي تكتبلي هالكلام .. لانه انا ما قلتلك خذه من عندي .. و ما حطيت لك السعر الكامل لاني اعرف انه فالبلاد ارخص ( على حســــــــــب كلامك عن السعر فالبلاد )

    بس حبيت اوظح هالنقطه و شاكره لك مرورك

    والسموحة والله يوفقك وتلقى الي اتريده

    __________________

  2. مشكورة اختي على الرد .. وأنا آسف ما حددت اللون … لأني كنت أبغي لون الموتر أبيض ومن داخل بيج

    والسموحة @@@@

    انزين اول شي قولي اخويه شوه رايك فالسعر الي عطيتك اياه . !!

    وكم حدودك للموتر

    لانه لو دورت لك على ابيظ من داخل بيج بيزيد السعر .. ما بيكون نفسه

    عشان جذه اريد اعرف كم بالظبط السعر الي يناسبك عشان ادورلك شي على حسب سعرك

    انتظر الرد اخوي و شكرا للمتابعه

    __________________

  3. السلام عليكم ورحمة الله وبركاتة

    بغيت اعرف سعر الجيمس سييرا 1500 باب واحد موديل 2008 واصل الامارات.

    ماحددت اخويه السعر الي اتريدها فيه ..

    يعني شوه حدودك فالسعر ما يطوف كم ..

    انتظر الرد ..

    __________________

  4. شكرا اختيه

    انزين لو من داخل بيج ومن برع ابيض او عنابي

    ونفس المواصفات اللي ذكرتهن

    بس بسالج هالسعر مع فحص الموتر؟؟؟ يعني انتي تفحصين الموتر؟

    مرحبا اخوي ..

    حاظره والله و انشالله الله يقدرني اني ما اقصر معاك

    وانشالله يكون لي تعامل وياك ..

    بالنسبه للموتر اخوي ..

    هاذا لقيته عنابي من داخل بيج .. ( اتمنى انك تذكرني بالالوان الثانيه الي كنت ممكن تختارها . )

    سعرها شامل كل شي مع الفحص و كل شي .. لين عندك

    150 الف درهم .. بس

    والسموحة ..

    انتظر الرد بخصوص الالوان الثانيه

    لاني القالك ارخص و من داخل بيج .. بس من برع يمكن بني او شي غير العنابي بعد ..

    والله يوفقك ياخويه و انتظر الرد

  5. السلام عليكم اختي والله يوفقك
    انا ابحث عن سياره لكزس lx 470 موديل 2001 او 2002
    وانا من السعوديه ,,كم التكلفه لو سمحتي
    وانا جاد جدا بانتظارك

    هلا اخوي ..

    شرات باجي الاخوان .. انا مادري لو الموتر يدخلونه الميناء و هو اقل عن خمس سنوات ..

    انتظر الرد بهالخصوص

Comments are closed.