السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم ورحمة الله وبركاته
لحد الان مافي شئ جديد من عند الراشد. مازالوا غلقين مكتبهم. والقضايا بتاخد وقتها.
__________________
للرفع والمشاركة من الجميع
تحياتي
ام عيسي
اخي الكريم امجاد ادري بس كنا اندور عن استثمار افضل من استثمار المحافظ الاستثمارية ما لقينا غير ضربات على راسنا من فوق الله يعين
تحياتي
ام عيسي
صراحة يا اخوان موضوع حساس و كبير
و أصلا أنا مب مقتنع أني اشتري شي في الهوا
اخوي رجل اعمال انا عندي بعد شقة في الراشد
برج رقم 1 وخذيتها على ان التسليم 1/1/2010 لكن لا حياة لمن تنادي واتصلت بهيئة التنظيم انا اتواصل مع الاخت نوف الكعبي ماشاء الله عليها انسانة متفهمة وانا اتصلت فيها بعد ما طفرت وقلت لها خلاص ما اريد شقق لا في عجمان ولا في القمر قالت لي انتظري شوي يمكن يرجعون لكم فلوسكم او يسوون لكم اعادة بيع ويغيرون الدفعات يعني في علم الغيب وقالت لي بعد لين الحينة احنا خذينا كل الشكاوي اللي على الراشد وحطيناها في ملف وننتظر تعليمات الشيخ ويارب ينصفونا والله كريم
السموحة للجميع
وشاكرة لكم تفاعلكم
ام عيسي