السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم
انا اتصلت بكسب اليوم وقالوا المشروع راح يتأخر 6 شهور قلت له كيف راح يتأخر ست شهور وانتوا ما بديتوا فيه ؟ وبعدين مب على اساس يكون التسليم في 1211 قلت له مع كلامكم الفاضي ما راح اتخلص الا على 2112 بس ما اقول غير حسبي الله ونعم الوكيل
مع الشكر للجميع
تحياتي ام عيسي
أنا أشوف انكم تجتمعون و ترفعون قضيه عليهم .. أما الشكوى الفرديه ربما لا تؤدي الى نتيجه .. حددوا المكان و الزمان و شوفوا شو الاجراءات و اتفقوا ..
و هذي بيزاتكم حتى لو كانت 10 دراهم .. مادام أنه تم أخذها بدون وجه حق ..
خواني خواتي الاعزاء يقول المثل ماضاع حق وراءه مطالب ) اذا لم يتم تسليم الوحدات السكنيه في وقتها حسب العقد المتفق عليه عليكم برفع دعوى قضائيه والحمدلله البلاد بخير وفيها عداله وكل واحد بياخذ جزاه العادل .
حتى ولو ياخوي عاشق تراب الامارات ليكون في علم جميع من تم النصب عليه من قبل الشركه المذكوره إذا كان لهم حق مثل مايقولون ويثبتون ذلك طبعا بالعقود الموجوده عندهم أوالأوراق التي تثبت كلامهم فلن يضيع حقهم بإذن ( الله الواحد القهار ) وما يضيع حق وراه مطالب والسموحه من الجميع .
ترى انتوا مب فاهمين شو السالفة ، هم مب كاتبين في العقد تاريخ التسليم عسب جيه مب خايفين من حد