السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
بالعكــس الآيــلس سهل فعــلا ،، بس يبــااله سرعــه ،، خاصــه في ال Reading ،، أما بالنسبــه ل Listening ، أهــم شي ما اتغلطيــن في ال Spelling ،، وال Speaking ، بسس خليــج ريلاكــس ،، وجريئة في التجواب مع اللي يختبــرج ،، بالمختصــر >> اتفلســفي عليه ،، يعيبــهم جيه . .
طاوعيني وان شالله ماراح تندمين >> أنا نجحت فيه من أول مره ،، وبدرجــه عاليه الحمد للـــــه . .
موفقــه ان شــالله . .
من كلامك انك دخلتي الامتحان وانتي متوتره خايفه من تكرار الرسوب دواكي انكي قبل متدخلين صلي ركعتين وشربي بابونج عشان تهدي اعصابك وانسي شي اسمه ردبوال وربعه لاني اشوفه منتشر بين البنات والشباب
لو عطوكي الامتحان الحين بتحلينه وانتي مقمضه عينك
الامتحان ماشي اسهل منه
هذا حل سلمي
في حل هاني انه حد من اخوانك يرقد عليكي بيرز
بتحلين الامتحان وامتحان اربيعتك
اميــــــــــــــــن يــــــــــــــــا رب
ومشكورة الغالية وهذا من ذوووقك وربي
والله كريم…
ولا هنتــــــــــوا على مروركم
وربي يحفظكم
امين يا رب
والله كريم ان شاء الله
مشكور اخوي
لا يا اخوي مب جذة السالفة اعرف التوفل كله خدع …
بس سوا لي اختبارات وعديتها ولله الحمد….ودرست ولاعت جبدي
لكن اونه الامتحان النهائي التصليح في امريكا الله ياخذ امريكا
وما اشوف لا التصليح ولا اخطائي… فليش اثق في تصليحهم…
وما اعرف شو اخطأئي عشان انتبه لها في المرات الياية
الله المستعان
والله كريم
مشكور يا اخوي