السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
اسراره انكشفت…
لكن خبثهم …ما نقدر نكشفه
تسلم يا اخوي
ما عندي غير أقول الله يكون فعونج ويوفقج يارب
عليه الصلاة والسلام
مشكورة اختي الهنوف…
ان شاء الله بحاول اخذ الايلس واشوف كيف طريقته بس مو الحين لاني احس تعبت
تدرين اصرار اكثر من 7 مرات … المفروض اصير legend
ما رضوا الغالية قالوا لازم تعدينه وبعدين تجين…
مع ان الدكتور قال لي الاكسنت عندج حلو وعندج فوكاب ..
ولكن هالتوفل روحه حمى ومرض…
الله المستعان ومشكورة الغالية واكيد ان شاء الله بفكر شوي
واكيد برجع لج كلج ذوووق الغالية
مشكور يا اخوي راعي…
بس اعتقد نفس الشيء….
حتى التوفل اليديد نفس الطريقة تقريبا…لكن الامتحان يكون عن طريق الكمبيوتر
والله المستعان
ان شاء الله بشوف الا فيه الخير…
تسلم يا اخوي
اختي اقدر اعدي ان شاء الله…
الدراسة شيء والتوفل شيء ثاني انا حضرت كم محاضرة وبالانجليزي وفي المالية..
وما حسيت ان التوفل وخرابيطه مهم في الدراسة….
واكون شاطرة بالانجليزي مو بالتوفل…
عيل الا درسوا بارك الله فيج قبل واتخرجوا…ما كان عندهم لا توفل ولا غيرة..
والمواد اغلبها بالانجليزي….وعدوا…
وافا عليج من عيوني …انا اصلا انفع مدرسة توفل..
خبرة 7 مرات رسوب….
ببعث لج ان شاء الله التفاصيل على الخاص
لا هنتـــــي
بس عقبها خبريني بالنتيجة….
بترك لج مساحه معاي في هالصفحة عشان اذا تبغين تسبينهم هههههه
امزح الغالية بس من عوار القلب