السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
اذا ما قدرتي تعدين من التوفل كيف بتعدين من البقيه ؟؟
الدراسه بالجامعه اغلبهامواد انجليزيه يعني لازم و لازم تكونين شاطره بالتوفل
ما اقدر انصحج بشي ثاني غير المثابره و المحاوله اكثر من مره 🙁
ربي يوفقج
انا بعدني اتحظر للتوفل بس ماعرف شو النظام اليديد
ممكن تعطيني فكره ؟؟
اختي اقدر اعدي ان شاء الله…
الدراسة شيء والتوفل شيء ثاني انا حضرت كم محاضرة وبالانجليزي وفي المالية..
وما حسيت ان التوفل وخرابيطه مهم في الدراسة….
واكون شاطرة بالانجليزي مو بالتوفل…
عيل الا درسوا بارك الله فيج قبل واتخرجوا…ما كان عندهم لا توفل ولا غيرة..
والمواد اغلبها بالانجليزي….وعدوا…
وافا عليج من عيوني …انا اصلا انفع مدرسة توفل..
خبرة 7 مرات رسوب….
ببعث لج ان شاء الله التفاصيل على الخاص
لا هنتـــــي
بس عقبها خبريني بالنتيجة….
بترك لج مساحه معاي في هالصفحة عشان اذا تبغين تسبينهم هههههه
امزح الغالية بس من عوار القلب
خيتهـ انا دارس في مدرسه امريكيه في دبي ..
وسويت التوفل مرتين ..
ومانجحت ..
يوم وسيت الايلس نجحت ..
يبت فلـ Speaking = 6
writing = 4.5
lsesnin’ = 4.5
reading = 5
كلهـ طلع عليه
5
ولحمدلله افتكيت
سويه والله راح ترتاحين
تستاهل يا اخوي والله يوفقك
ولكن التوفل اليديد ibt نفس الشيء
بس الدرجات غير…
اخوي شكلي بتريا شوي واذا بغيت طريقة الامتحان
برجع وبتخبرك
وان شاء الله افتك وارتاح..
اللي قالو لج غلطانين ..
سيري الجامعه الاستراليه هااي ولونغوغ مادري شو
اللي كانت في جميرا بعد كنتاكي الحين في مدينة المعرفه
سيري هناك او سجلي وبيعطونج بطاقه عشان تين وتراجعين اي وقت
وشغل مرتب والله ^__*
وليلس سهل ..
شهر 6 في واحد سجلي
هذه الجامعه والخيبتين …لانهم يبغون يسرقوني عشان جذة شغلهم زين
ولكن يا اخوي يقولون دراستهم وااايد صعبة وبعدين بعيده علي وااااايد
بخليها على الله
وربي يسلمك يا اخوي
الله يوفقج بس عندي نصيحه لج من تدشين الامتحان اذكري الله وركزي بأسئلتج بتحصلين شي انتي تغلطين فيه دوم وتشوفينه صح وتكررين الغلطه نفسها دوم وخليج مفلعه وامورج بتكون اوكي انشالله يلا نبدا من يديد اوكي بالتوفيج
ان شاء الله يا رب
ويا اخوي شكلي انا المفلوعة
لاني خلصت المصحف كله وانا داشة الامتحان
بس هم صيحوني قبل الامتحان اونه السيستم اخترب …واونه خسرت درجتي
بس عقبها شغلوه…اصلا هم ذبحوني قبل ما ابدي في الامتحان
لكن الله المستعان
وعن نبدا من يديد خلها على الله….
ما اعتقد الحين…
انا بارحت امس ماخذ الايلس كله كان سهل ما عاد القطع كانت 3 قطع وبصراحه اول مره اوهق ولا اعرف شوه اسوي
وخبصته فوق تحت
الايلس مش صعب بس يبالج تحضرين قبله وتراجعين
ويبالج تتقوين في القواعد شوي
الله يوفقج ان شاءالله
والله يوفقك يا اخوي…
خبرني بالنتيجة….
وبعدين بسال عن طريقة الامتحان
وربك يعين…
لا تنسى خبرني عن النتيجة …؟؟؟
والله يحفظك
والله صددددددقج طفروبنا ..
ماناخذ انقليزي الا كم حرف ويوم نوصل الكليه قاااااالو يله انقليزي انقليزي ماشي عربي!!!
عنبوه اشووووف كتاب اخويه ثاني اعدادي يدرسونهم كوفي ووفش وميت وكاتش وماادري شوه!!
الله يعينج ويوفقج
هي والله يا اخوي
من البداية ما افتكروا والدراسة كانت على قدها….
والحين دخلوا لنا نظام امريكي زفت لازم نعديه عشان نكمل الدراسة والا لا…
في بلادي ونظام امريكي عشان اكمل دراستي….
ليش الا قبلنا اشبالهم تراهم درسوا واتخرجوا واشتغلوا…
وما اشوفهم ماتوااا لانهم ما خذو هالتوفل
مب حاله…. يعني ما يفكرون شوي ….ما يفكرون اذا كانت الدراسة على قدها
والشغل كله بالعربي يدووووب كم جلمة بالانجليزي…وتوة متخرج من الثانوية…
يعني مب شرط دارس في مدرسة خاصة….
لا حول ولا قوة الا بالله
والله المستعان