السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
نصيحتي لك التوفل عباره عن خدع يعني يوم تشوفين الجواب بتحسين انه هذا هو الجواب الصح بس لو دققتي اكثر بتكتشفين انه كانت خدعه وهذا الي يخلك تحسين انك سوتي اوكيه. انا درست التوفل في امريكا كنت الدرس الانجلزي في المعهد بس الدراسه المعهد ما كانت تنفع عشان كذيه كانوا يعطونا كورس في التوفل وفي كل اسبوع يمتحنونا امتحان تجريبي وبعد الامتحان يحلونه قدامنا ويشوفونا كيف كانت الخدع الي في الاسئله. الخلاصه درس اكثر شي الخدع الي في التوفل وان شاء الله تنجحين
لا يا اخوي مب جذة السالفة اعرف التوفل كله خدع …
بس سوا لي اختبارات وعديتها ولله الحمد….ودرست ولاعت جبدي
لكن اونه الامتحان النهائي التصليح في امريكا الله ياخذ امريكا
وما اشوف لا التصليح ولا اخطائي… فليش اثق في تصليحهم…
وما اعرف شو اخطأئي عشان انتبه لها في المرات الياية
الله المستعان
والله كريم
مشكور يا اخوي
الله يعينج اختي
خلي يكون عندج اصرار وهدف
ولا تخلين اليأس والاحباط يدخل فيج
الله يوفقج يا رب
الله المستعان يا اخوي
وربي يعين اليميع
الاصرار مل مني
والهدف صار ضدي
بس الله كريم
ومشكور اخوي وربي يسلمك
بالتوفــيق ……….. ابحثي في النت عن أسرار التوفل
http://www.languagesystems.com/en/services/store.asp
اسراره انكشفت…
لكن خبثهم …ما نقدر نكشفه
تسلم يا اخوي
ما عندي غير أقول الله يكون فعونج ويوفقج يارب
إختي سهمي عالي صلي على النبي ..
وهدي أعصابج وصدقيني كل مشكله لها حل ..
لو تدرين عن معاناتي ..
أيامنا ما كان في توفل ولكن الأنجليزي كان مكثف وصعب ..
ونحن كنا متخرجين من الثانوي ياله نكون جمله مفيده في الإنجليزي
وانتي عارفه الوضع ..عانيت الكثير ولكن إصراري خلاني أكمل
والحمدالله تخرجت من الجامعه ونجحت في الأنجليزي بجيد جدا ..
أول شيء حطي في بالج انه في حل .. شو البدائل .. واحد من الأخوان يزاه الله خير
قالج جربي الأيلس .. ليش ما تجربين ؟ وأنا متأكده خبرتج في التوفل حلوه وبتساعدج ..
حل ثاني سيري عند الأدفايسر مالج في الجامعه من فترة لفترة
اطلبي نصيحته وتناقشي معه حول هالموضوع ويفضل يكون أجنبي
لأنه سماعج لناقشه وباللغه الأنجليزيه مفيد جدا ..
وشي أهم إنه راح يساعدج لو ما نجحتي راح يتوسطة لج ويمكن تدخلين
التخصص وتكملين التوفل عقب .. ! أهم شيء الألتزام بالحصص
وتوضحين لهم انج تبين تدرسين وصدقيني محد بيحرمج من الدراسه في الجامعه
لو شافوا اصرار وإهتمام منج ..
أذكر أيامنا كانت في طالبه كلما تمتحن انجليزي ترسب
البنات كلهم نجحوا وهي تمت ترسب ولكنها أصرت وخلوها
تدخل التخصص وتشل مادة الإنجليزي وياها!! وتخيلي نجحت
وتخرجت من الجامعة بإصرارها!
أتمنى لج التوفيق إختي ولا تخلين الإحباط يتغلب عليج وأي خدمه أنا حاضره.
بالتوفيق،
الهنوف
عليه الصلاة والسلام
مشكورة اختي الهنوف…
ان شاء الله بحاول اخذ الايلس واشوف كيف طريقته بس مو الحين لاني احس تعبت
تدرين اصرار اكثر من 7 مرات … المفروض اصير legend
ما رضوا الغالية قالوا لازم تعدينه وبعدين تجين…
مع ان الدكتور قال لي الاكسنت عندج حلو وعندج فوكاب ..
ولكن هالتوفل روحه حمى ومرض…
الله المستعان ومشكورة الغالية واكيد ان شاء الله بفكر شوي
واكيد برجع لج كلج ذوووق الغالية
ربي يعينج يارب…بس انتي لازم تاخذين التوفل..ليش ما تجربين النظام البريطاني..معترف فيه عالميا مثل التوفل واشوفه اقرب لدراستنا الجامعيه يعني قراءه كتابه استماع محادثه..ielsاعتقد هذا اسمه وجربيه ان شاء الله تنجحين فيه..وربي يوفقج
مشكور يا اخوي راعي…
بس اعتقد نفس الشيء….
حتى التوفل اليديد نفس الطريقة تقريبا…لكن الامتحان يكون عن طريق الكمبيوتر
والله المستعان
ان شاء الله بشوف الا فيه الخير…
تسلم يا اخوي