السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
أنا أكتشفت طريقه تخليج ترمسين أنجليزي أحسن عن توني بلير
وجربتها على أكثر من شخص
المهم هذا موقع ترومين تسوين فيه أختبارات التوفل كل يوم
والتوفل ممارسه فقط
http://www.free-english.com/TOEFL-CBT-practice-test.aspx
اعرف يا اخوي
بس الحين احس ما اقدر امارس شيء
لاني لاحظت اذا مارست والا لا نفس الشيء
باخذ هدنة مع نفسي…
وبقعد ادعي عليهم دعوة قلب محروق…
بتقول سهومه تخبلت…بقول بيني وبين الخبال شعره…
وعقبها بفكر اكمل والا انسحب….
لان احس نفسيتي صارت في الحضيض…
اختي التوفل سهل بس يباله تنظيم وقت يعني لازم تتعلمين الطريقه الافضل لحل الاسئله لنه احنا دايم انركز على الاسئله الغير مهمه و نخلي الاهم .. و اسئله القصص افضل شي لازم تقرين الاسئله قبل الparagraph
اخوي هذا الا سويته …
والله فاهمة …
و عليج بالكتب الي فيها نماذج متوفره وايد في المكتبات الكبيره …. حلي كثر ما تروميــــــن و بعد انصحج تدخليـــــــن معهد لانهم يقدرون يراونج الطريقه الافضل للحل…
المشكله انج تتعلميـــــــن كل شي في التوفل و بعد ما تقدر تعدي.. انا استوالي نفس الشي قدمت مره و يبت 470 و بعد ما حليت النماذج و عرفت الحيله يبت فوق ال500…
الله يوفقج
اخوي بدل الواحد شريت 2 ودخلت معهد ودرست ….
ولما عمل لنا الدكتور تست يبت درجات زينة…. والدكتور قيمنا وقال ان شاء الله بتعدون
لكني انصدمت من الدرجة لان اعرف الطريقة واستعديت واخذت اجازة شهر عشان الامتحان
والمصيبة يبت درجة نفس لما ما كنت دراسة قبل….شيء غريب لا اقصد شيء فظيع
احس في شيء مب طبيعي مو معقولة ناس ولا تعرف شيء بالانجليزي وعدووه ..
ناس ما تعرف تكتب اسمها بالانجليزي…
وانا الحمدلله اعرف مب ميح…. ما اعرف يا اخوي …ما اعرف
حسبي الله عليهم ونعم الوكيل
حسبي الله عليهم ونعم الوكيل
مشكور يا اخوي هذا من طيبك
لا هنتـــــــ
جربي الآليتس أختي لو ما قدرتي على التوفل.
بالمناسبة التوفل مب اختبار قياس مستوى بقدر ما هو اختبار فهم الامتحان.
لو فهمتي طريقة واسلوب التوفل بتعرفين تطوفينه.
مثل امتحان السواقة. ممكن الواحد ينجح بس مب بالضرورة معناه يعرف يسوق. وممكن وحد يرسب لكنه يسوق أفضل من المدرب.
ببساطة لأن الأول فهم طبيعة الامتحان وعرف شو المطلوب منه. والثاني ما فهم الامتحان وما عرف شو المطلوب.
منقذ
الله يكون بعونك
وكل زمان له علمه وبعدين نقول لو ما درسونا هل الشيء
بس انا مع نصيحه انك تأخذين الأيلس
وربي يوفقك دوم اختي
مشكور اخوي ….
ولكن صدقني ما راح اقول ليش ما درسونا لان اصلا هذه الخرابيط مالها اي علاقة بالدارسة
ونحن باذن الله نقدر نمشي عمارنا بالانجليش في الجامعة بدون هذه الخرابيط
والايلس يا اخوي اغلب الا اخذوه خبروني انه نفس العلة ما عدا ان speaking يكون عن طريق مقابلة …
يعني مو مثل التوفل speaking بالكمبيوتر..
الله المستعان
مشكور يا اخوي
الله يعينج الصراحه .. شدي حيلج ولا تيئسين