انا يا اخوان سالفتي سالفه ويا وكاله علي و اولاده .. السالفه اني شريت اودي اي 8 4.2 لارج موديل 2008 . القصه بدت بعد اسبوعين من شريت السيراه الهاند بريك اتخترب و في نفس الوقت اخترب عليه فص الدايري مال الاختيار وديتها و الوكاله بدلولي قطعتين و قلت ماعليه الصبر بنشوف !
بعد 3 اسابيع اخترب الهند مره ثانيه و ديتها الوكاله و قتلهم ما باخذها لين ما اشوف حل معاكم . رحت الوكاله و كلمت المدير قتله السياره فيها شي ولا برد استعملها ! قالي ما يهمك بنكلم المكت الاقليمي الي في دبي و هم بيفحصون السياره و اذا قالو فيها عيب مصنع بنبدلها ! في نفس الوقت طرشت ايميل للشركه في المانيا و ما قصروه حولو الموضوع لمكتب دبي الجماعه طلعو العن و العن قالولي خلاص نحن قلمنا والوكاله و قلنالهم يبدلون الهند بريك !!!! قلت ماشالله و تبوني ارد استعملها لا والله ماخذها الا بدون ورقه تعهد اذا خربت في الشهرين الياين تتبدل السياره من دون نقاش !!
الي حبيته منكم يا اخوان اذا يعرف طريجه اضغط عليهم و يبدلولي السياره فا ارجو ما تبخلون عليه
معلومات عن السياره :
ماشيه 4600
من اسبوعين في الوكاله و انا مش راضي استلمها
عليك .. بمؤسس الشركة .. علي واولاده ..
وكيل الأودي .. حاول انك توصله .. الريال ما بيقصر معاك .. الرزق رزقه بيخاف على سمعته ..
اكيد هناك شباب بالمنتدى .. بيدلونك عليه..
والله يا خوي قمت افكر بهل شغله بس في نفس الوقت قلت اجرب كل شي معاهم و اذا ما يابهم براويهم الويل لا بخلي اذاعه ولا منتدى الا و اشرشحم فيه
دور لك محامي واشتك عليهم ومايصير خاطرك الا طيب
اخوي انا طلبت تبديل السياره و الوكاله قالولي لازم تقرير المكت الاقليمي طبع المكتب الاقليمي قالي السياره ما نقدر نبدلها لنها تصلحت و كل شي تمام
أخوي الأفضل إنك تكون واضح وصريح معاهم
أرفض استلام السيارة لأن العطل هذا تكرر مرتين
وهالنوع من الأعطال ممكن يشكل خطر عليك وعلى غيرك في حالة استخدام السيارة
واطلب تبديل السيارة
وفي حالة الرفض (طبعاً هذا هو اللي بيحصل ) ارفع الموضوع للجهات الرسمية
والله يعينك