انا يا اخوان سالفتي سالفه ويا وكاله علي و اولاده .. السالفه اني شريت اودي اي 8 4.2 لارج موديل 2008 . القصه بدت بعد اسبوعين من شريت السيراه الهاند بريك اتخترب و في نفس الوقت اخترب عليه فص الدايري مال الاختيار وديتها و الوكاله بدلولي قطعتين و قلت ماعليه الصبر بنشوف !
بعد 3 اسابيع اخترب الهند مره ثانيه و ديتها الوكاله و قتلهم ما باخذها لين ما اشوف حل معاكم . رحت الوكاله و كلمت المدير قتله السياره فيها شي ولا برد استعملها ! قالي ما يهمك بنكلم المكت الاقليمي الي في دبي و هم بيفحصون السياره و اذا قالو فيها عيب مصنع بنبدلها ! في نفس الوقت طرشت ايميل للشركه في المانيا و ما قصروه حولو الموضوع لمكتب دبي الجماعه طلعو العن و العن قالولي خلاص نحن قلمنا والوكاله و قلنالهم يبدلون الهند بريك !!!! قلت ماشالله و تبوني ارد استعملها لا والله ماخذها الا بدون ورقه تعهد اذا خربت في الشهرين الياين تتبدل السياره من دون نقاش !!
الي حبيته منكم يا اخوان اذا يعرف طريجه اضغط عليهم و يبدلولي السياره فا ارجو ما تبخلون عليه
معلومات عن السياره :
ماشيه 4600
من اسبوعين في الوكاله و انا مش راضي استلمها
لا وازيدكم من الشعر بيت بعد ما قتلهم عن ورقه التعهد قالو ما نقدر نعطيك لنه السيراه عليها ضمان قتلهم عليها ضمان ما يخالف لاكن شو يفيدني الضمان و انا كل اسبوع السياره ترد الورشه
يزاكم الله الف خير .. والله يا خوان احترت معاهم يعني حتى اودي بكبرها وقفت مع الوكاله !! و عن البلاغ في الشرطه صعبه انها توصل لهل مرحله الا اذا صدق مصخوها !! و مثل ما قلت يا الامبراطور السيراه من افضل ما صنع في الوقت الحالي لاكن يا ضالم الله فوق
الله يعينك من وكالة علي اولاده ..
السيارات ما عليها كلام .. بس تعامل الشركة .. اعظم من كلمة زفت في حقهم ..
والله ياخوي على حسب خبرتي
ان هذا يسمونه عيب خفي او عيب باطني و هذا يخالف المكتوب في عقد الشراء ان السياره سليمه 100% و هي ظاهره من الوكاله
يعني تقدر تشتكي عليهم في الشرطه (لاني اذكر واحد اشترى سياره من معرض و صار معاه نفس الشي و رد السياره للمعرض و استلم فلوسه كاش بعد البلاغ)
لكن هل يصير انك تشتكي على (الوكاله) في الشرطه ولا اي جهة مختصة
هذا الي ما اعرفه
جرب و شوف
ولا اتصل لاي حد يعرف في القانون ولا مكتب محامي (مع ان السالفه ما تحتاي توصل لهاي الدرجه) المفروض يبدلونها لك و يغيرونها و يعطونك سياره يديده لان هالسياره تعتبر خطر في هالحاله
و الله يوفقكو ياخذ حقك منهم بالطرق السلميه
الله يعينك … عليك تاخذ اسم المسؤول وتشتكي في البث المباشر لانهم يخافون من الفضايح