السلام عليكم
أول بادي أنا من عشاق البورش كايين
أحبه و أموت فيه
لكنه كسر ظهري
عاد فيه شوه ؟
لا مب من الناحيه الماديه
لكم القصه
فالعيد من الملل قلنا بنروح نتمشى على الساحل الشرقي
نحن متعودين عليه فالمدينه بس
عمري مارحت فيه مسافات طويله
خاصه الفجيره وخورفكان ( تعرفون كيف الشوارع )
يوم وصلنا حسيت بتعب شديد فالظهر
مب مريح تضايجت وايد من هالشي
كسر ظهري , أنا مصدوم من هالشي
آخر كلامي
بعتبره هذا راي الشخصي لاغير
وأبي منكم النقاش
انشالله أشوف واحد يخالفني الرأي
بصراحه أبيه يقنعني أبي أكذب كذبه وأصدقها
نبغي اراكم على البورش كايين والسموحه للي عنده بورش كايين
منقووول من منتدى الهدف الاماراتي
والله مافي اريح من الكورولا
كلامك صحيح اخوي, بس بعد يعتمد على نوع الكراسي الي في موترك, في نوع اييك الجلد مجسف و يكون لين هذا النوع مريح…
انا ياخيه امواجه نفس المشكله في الرنج سبورت إتش إس أي 🙁
الارمادا والسيارات الامريكية ابصراحة لايعلا عليهن للخطوط الطويلة والسفر لا تقولي استيش ولا نيسان فتك ولا ولا ولا هاي سيارات للمدن والبر وترجع ومعروف عند السعودين الجمسي السوبر بان لانة بلادهم كبيرة ويمشون بالالفين كيلوا داخل السعودية نحن ابعد مسافة 250 كيلو هلكنا وطاحت ظهرونا صح كلامك يا خوي البورش وهاي المواتر بس للمدن وليست للسفر تكسر الظهر
معروف هالشي في البورش وأنا سمعت هالسالفه كذا مره، ماعرف المشكله وين بالضبط في سيتاته ولا جامبيناته. مع العلم انه الاكس فايف اليديد جامبيناته وايد يابسه بس حاولو يعدلون هالمشكله بانهم يركبوله سيتات مريحه مثل الفئه السابعه. هو بشكل عام الفوروييل مابتلقاه مريح عالمسافات الطويله مثل الصالون، نادر هالشي بس عندك مثلا الرنج العادي (مب السبورت) هذا أعتبره من أريح المواتر الفورويل سواقه وأقرب للصالون.