امم … لصراحه مستحيل الواحد يرضي ان حرمته تصرف عليه ..
الشي الغريب الي شفته فجتمع الامارات .. والصراحه حسيته غريب اشويه .. ان الريال هني يحدد مصروف لحرمته .. مثلا 4000 او 6000 فالشهر .. وما يتعرف عليها الشهر كله .. ان خلاص هي خذت مصروفها واتدبر عمرها .. وفالمقابل ماشالله عليه يكون راتبه 60 الف .. ومره يشتري سكوتر ومره طراد ومره يبدل موتره .. جنها هي موظفه وهذا راتبها .. هو الله رزقه .. وزاد الخير الي عنده يكون له ولعمره ..
مادري ليش انا اشوف هالشي غلط .. ليش اسمها شريكة حياتك؟ لانه حلالك حلالها .. وحلالها حلالك ..
بس اكيد انا مب ضد ان الحرمه تساعد ريلها لو هو راتبه ما يكفي .. ترا يتشاركون ولا ليش الزواج من اصله … بس اكيد اكيد مب انها تصرف عليه !!!!!!!! مايصير ..
انا اقولك ليش نعطي للحرمه راتب شهري
لأن الحرمه ما تنعطا ويه
لو عطيتها بطاقة البنك وقلت لها انتي شريكة حياتي واللي عندي تراه عندج تعرف شو بتسوي ؟
1) محل برمودا بالمارينا مول وخذت ملابس ب3000 درهم
2) محل لويس فيتون وشنطتين ب8900 درهم
3) محل جوتشي بتاخذ لها بوك وشارب ب3000 درهم
4) محل النعل وبتاخذ لها 3 نعل 3600 درهم
5) محل ماي فير ليدي بأبراج الامارات وبتفصل 3 عبايات ب 5000 درهم
6) باريس غالاري وأريج وبتاخذ عطور ومكياجات ب 4000 درهم
7) المنارة للمجوهرات وبتاخذ ساعه ب 5000 درهم
وعادي تسوي هالشي كل شهر
عرفت ليش نعطيها مصروف ونقولها دبري حالج ؟
موضوع رائع اختي …
الموضوع له قسمين .. شرعي وشخصي …
من ناحية شرعية فما اعتقد فيها شي .. خصوصا لو قرأنا في بعض سير الصحابة … لكن الإنفاق شرعا على الرجل حتى لو كانت زوجته مقتدره وكافيه نفسها فهو ملزم بالنفقه .. ولعل ( وهذا رأي شخصي ) السبب في انفاق الرجل على المرأه بالرغم من اقتدارها يرجع لفطرة المرأه في أنها تحب ان الرجل ينفق عليها .. وهذا أمر ملاحظ …
من ناحية شخصية .. ما أوافق على هذا الأمر ولو على قص رقبتي
أختي .. الله يقول ” الرجال قوامون على النساء بما فضل الله بعضهم على بعض وبما أنفقوا من أموالهم .. ”
كلامك صحيح لو ان الايه كانت ” لأنهم ” أنفقوا لكن الايه تنص على ان الانفاق سبب من اسباب قوامة الرجل ولكنه ليس هو السبب الوحيد بل هناك أسباب أخرى وهي التفضيل ..
__________________
عزيزتي سررت بموروج واشكرج على الرايج الثمين..
يزاج الله خير
__________________
__________________
الحياة الزوجية تعاون ومشاركة
والمرأة الموظفة مسئولة بالتضامن مع الرجل
فهي قبلت أن تترك بيتها ورضيت بالخروج والمفروض عليها تتحمل تبعات خروجها وما أعتقد إن فيه إنسانة تقدر الحياة الزوجية ترفض أنها تمد يد العون والمساعدة لزوجها بالعكس تقف معاه وتساهم بتوفير متطلباتها خاصة اذا كان زوجها من ذوي الدخل المحدود
والحمدلله نرى الكثير من الموظفات العاملات يمدن يد العون لازواجهن بالتفاهم وعلى اساس المودة والمحبة…
والحمدلله هناك الكثير من الازواج يوفون احتياجات أسرهم ومتطلبات زوجاتهم