السلام عليكم ورحمة الله وبركاته
الموضوع : مثل العنوووان
المكان : شارع الشيخ زايد – دبي
الزمان :صباحاً مع فجة الضوو
الحالة : زحمة
سرعة الطريق المحددة : 100 كم بالساعة والرادارات تزخزخ بدون رحمة
وسرعتي 140 كم /سا
و95% من مستخدمين الطريق ملتزمين بحدود السرعة
3% مسرعين شوي <<< أنا واحد منهم
1% طااااايرين بس ما حد منهم يدييييم <<< ما عليكم منهم غير مزعجين
1% قليلين أدب وإحترام وإنسانية <<< من الجنسيات غير العربية
طالعين متأخرين على الدوامات لأنهم كل الليل سكرانين والصبح ناشين مثل … الـــخنــ…؟
فما بالكم لو كان حد من الفئة الأخيرة بنت أو إمرأة وشعرها أصفر وخشمها يدق في منظرة السيارة داخلية
وتجي عليك طايرة بسيارة سبووورت وتديييم وتضرب هرن وبعد ما تعطيها مجال للتجاوز ترفع لك يدها وتشهر لك الإصبع الوسطاني وكلنا بيعرف شو معنا هالحركة …يعني لو سياراتهم عليها مخفي كنا قلنا ماشفنا شي
… بس عينك .. عينك …
يعني بصراحة أنا ما قد تعرضت لمثل هذه المواقف في أبو ظبي … مع أنه الشوارع سريعة و ساعات تكون زحمة والناس تديييم لبعضها
قلنا: مرة ..مرتين .. ثلاث … عشر… وبعدين … وبعدين …يعني لازم الواحد يروح يحرطم سيارته وسيارة غيره عشان يتوقفوا عن هذه الحركات…
وإذا الشغلة بالعضلات ترى الموووضوع سهل …
بصراحة معصب لأبعد درجة … ليش ….؟
قـــلت أكتــــب هالـــموضــــوع … وشوف ردودكم وتعليقاتكم …عشان أعرف أنا غلطان أو لا …وشو التصرف اللي لازم إعتمده في مثل هذه الحالات
و السمووووحة … منكم
أرجو عدم رفع المواضيع القديمة…
تحياتي للجميع
و الله انهم في بلادهم ما يسوون بيزه
و الله انهم مصخره و شحاتين في بلادهم
و يون في بلادنا و يبطرون
و بعدين لا عندهم واسطه ولا شي
لكن نحن مسويلهم سالفه و هم ما يسوون
قانونيا اخواني القانون يعاقب على هاي الحركة واذا ماكنت غلطان فيها سجن 3 او 6 شهور
مرة واحد لف جدامي بطريقة وقحة واستفزازية في سوق نايف، ما سويت له شي، بس طلعت الموبايل من جيبي وقمت أصور رقمه، والله إنه طول الوقت قام يطالع فيني وخايف ومرتبك، وأنا أخطف من ينبه طالعت فيه باحتقار،،،، أنا متأكد إني سودت عليه يومه P:
باختصار: إمسك الموبايل وسو عمرك إتصور الرقم والسلام 😉
خلك مع طريقة التخويف وما راح تندم!!