تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
اى تاريخ الجيكات كلها بدون تاريخ مجرد اسم المشترك وقيمه الاشتراك بدون تاريخ اضنى حتى توقيعه موقعنه غلط
تذكر يوم كنا نحذر والكل كان يدافع عنهم..
على العموم انكشف المستور …
واتمنى تكووون درس لكل من يريد الربح السريع بدون تعب او ما يعرف شو مصدر الرزق والضمانات..
كل الردود متفقه على ان
القانون لا يحمي المغلفين
عيل ليش الشرطه تمسك شخص ما عندها اي دليل عليه…………
واصغر محامي يقدر يطلعه
……………… هذا طبعا من الناحية القانونيه ……..
لا يوجد اثبات اما اذا مسكوه بعد سنه ….. فهذا منتهى التاخييييييييييييير من رجال الامن … للي يعرفون سالفته من زمان
سبحان الله جيه تسوي الفلوس بس (((( لا يفك نطعه )))))) هاي عجيبه عليها غبار
الله المستعان
راحت فلوس اصحاب الثراء السريع
احمد عبدالقادر
هالزلمه عنده محل لتاجير السيارات فيه سبع سيارات
كيف كون هالثروه الكبيره لا هو متعلم ومتخصص في الاقتصاد ولاعنده ثروه من طيب اصل
الا ياخذ من عند هذا ويعطي هذا
والشباب ما صدقوا ،قالوا هذا احسن حل للثراء السريع والتخلص من ديون البنوك،ويوم تنصح الواحد كانك تسبه وتحسد عليه
لحين اكلوها
الطمع قل ما جمع
مقيوله من قبل
الحين الي عنده شيك في تاريخ الاستحقاق يلحق عمره اليوم قبل باجر(لان فلوس الريال 400مليون مجمده في البنك)ما يقدر يصرف فيها
والي عنده شيك لم يحن موعد استحقاقه نقوله راحت عليك ياصاحبي