عزيزي العربـي يلي دايرلي ظهرك ♥

Question

عزيزي العربي .. يلي دايرلي ضهرك من اول الأحداث عنا و عامل حالك مو شايف شو عم يصير فينا !! اذا شي يوم لا سمح الله صار معك يلي عم يصير معي ... تعى لعندي ما رح درلك ضهري !! اذا شي يوم حدا دمرلك بيتك و ما لقيت بيت يقاويك !! تعى لعندي .. لا تخاف ما رح انصبلك خيمة!! رح افتحلك بيتي و أقعد انا بالمخيمة لانو تعودت عليها !! اذا شي يوم ما لقيت أكل اطعمي ولادك الصغار تعى لعندي رغيف الخبز تلت رباعو الك و ربعو الي !! اذا شي يوم ما لقيت لبس يكسيك و يدفيك !! تعى لعندي ... لبس الجديد الك و القديم الي !! لا تخجل لا تستحي .. مدلي ايدك و رح حارب لحتى تعيش!! مو مشانك و مو مشان شي !! بس أصلي هيك بعلمني .. ديني هيك بيأمرني .. و رسولي احسن لكل مين أساء الو ! بس هلق صدقوني ما بدنا منكم شي .. الكفان يلي بعتوهم بكفونا !! شكرا الكم [:)]