حبيبة قلبي ربنا يوفقك
يارب اكون لحقتك قبل الامتحان
الخطوات اللى هتعمليها عشان تكتبى موضوع تعبير:
* اكتبي رأس السؤال اللى مكتوب على الورقة في صورة نقاط
* فكري خمس دقايق في كل نقطة لوحدها
* حاولي تخرجي من كل نقطة واحدة او اتنين كمان بس يكونوا مرتبطين بالموضوع
* امسكي القلم وخدي نفس عميق وقولي ربي اشرح لي صدري
* اكتبي المقدمة وحاولي تستشهدي بحديث شريف او آية قرأنية او بيت شعر او حتى حكمة
* فصصي كل نقطة في خمس سطور على الاقل وممكن تستعيني بكلمات او جمل من رأس السؤال
* نظمي خطك وحطي نقطة وفاصلة وكده
* اكتبي الخاتمة وارجعي اقري الموضوع من الاول وشوفي لو فيه حاجة عايزة تتظبط
بصي المقدمة ممكن تكون كده:
بسم الله الرحمن الرحيم لقد قرأت في هذا الموضوع وفكرت به كثيرا وتمنيت ان تتاح لي الفرصة للتعبير عن رأيي وها قد أتت لذا سأعبر عما يدور في بالي تجاه هذا الموضوع الهام الذي يستحق مناقشته والذي يهم الكثير
من الناس وربما يحتاج الى كتب ومجلدات لكنني سأحاول تناول النقاط الهامة
الخاتمة:
وأخيرا استطعت الادلاء برأيي في موضوع (كذا) والذي كان يشغلني كثيرا وهو *بعد كده حطي رأيك باختصار جدا حوالي سطر او اتنين بالكتير ونصائح تخص الموضوع*
ربنا يوفقك يا قمر وتجيبي الدرجات النهائية وتفرحينا معاكي
أختك
آية الرحمن
