فى البدايه احب اشكرك على هذا السؤال الجيد واسال الله العلى القدير ان يرزقنى واياك والجميع ان شاء الله الزوجه الصالحه
فى البدايه يجب ان تحدد المواصفات الاساسيه التى تريدها فى زوجه المستقبل . وعلى هذه الاسس سوف تدور الاسئله.بدايه من السؤال عن الاهل قبل التقدم الى الخطبه الى ان تتقدم الى الخطبه ...ولا تكن الاسئله كانك
وكيل نيابه ويجلس امامك متهم تستجوبه ...س1,ج1
س2,ج2 ...ولكن تكون عن نقاش فى مواضيع انت حددتها بينك وبين نفسك من قبل وتكون مجهز الرد الثانى لو اجابت بالاجابه الفلانيه وما لو اجابت بالاجابه الفلانيه سوف اسال فى كذا ....( من الاخر تكون محضر
للمقابله كويس جدا) اصل انت رايح تتجوز مش رايح تشترى (تيشرت)لو معجبكش مش هتلبسه..
من المهم ان تكون المواضيع اللى انت مجهزها من النوع مواضيع مفتوحه يعنى يكون فيها كلام كتير مش بس اجابه بنعم او لا ...يعنى مثلا انتى بتصلى هتقول ايوه وخلاص...حتى لو كانت مبتصليش ...والسؤال يكون موجه مش
اى سؤال والسلام....يعنى انت تسال السؤال من هنا ...وتشغل ودانك كويس وتركز قوى على تعبيرات الوجه وكمان نبره الصوت ...هتحددلك حاجات كتير قوى
مثلا من الاسئله المفتوحه ...عندك اصدقاء قد ايه؟ ومن هى احب صديقاتك اليك؟وليه هى دى احب واحده لكى؟وما هى اجمل الاوقات التى قضيتيها معها؟ وما هو اسوء الاوقات التى قضيتيها معها؟ وهل اختلفتم مع بعض من
قبل ؟ ان كان نعم .فلماذا ... ومن كان المخطئ وكيف عالجتى الموقف؟ وهل بعد هذا الخلاف لسه العلاقه بينكم كما هى ام تاثرت بالخلاف؟وان كانت الاجابه ..انهم لم يختلفوا مع بعض من قبل فلما؟ وما هو سر التفاهم
الحاصل بينهم؟طيب امتى انتى تزعلى من صاحبيتك وازاى وهتعملى ايه ساعتها؟وامتى تقررى تنهى العلاقه اللى بينكوا؟ طيب ماهى اهم مميزات صديقتك ؟ وما هى اهم عيوبها؟
اعلم اخى الحبيب ان المشكله ليس ( ما هى الاسئله التى نسالها)المشكله الحقيقيه كيف استطيع ان احلل تلك الاجابات وكيف سأتعامل مع هذه الاجابات...وهل هى اجابات صادقه ام هى نوع من تحسين الصوره ولن اقول
الخداع
خد بالك هى لو حست انك بتستجوبها هتتخنق منك ...المهم ان تحصل على اجابه اسئلتك فى صوره حوار ونقاش ( مش وكيل نيابه بيحقق) وهى لو حست انك بتستجوبها ...هتكون الاجابات غير حقيقيه ...اما لو حست انه
حوار هادئ ليس به اى نوع من التربص ستحصل على ماتريد من الاجابات المهم ازاى تقدر تفسر الا جابات دى وتستفيد منها فى تحديد ملامح الشخصيه
معلش انا عارف انى طولت عليك ... بس بجد موضع كيفيه اكتشاف شخصيه الانسانه التى سارتبط بها ...مهم جدا بالنسبه لى
وكمان من الاسئله المهمه ماهو هدفك فى الحياه؟وطبعا هتكون الاجابه ان ارضى ربى وان اكون اسره مسلمه بحق ..وان اربى اولادى على الدين وكثير من ذلك الكلام المثالى ..والذى ما ان سمعه الخاطب ينبهر به ( ويقول
هى دى الانسانه اللى انا بدور عليها ) ويقول بينه بين نفسه (انتى فين انا بدور عليكى من زمان) وبعد هذه الكميه المركزه من الكلام المعسول يستلم الخاطب رافعا رايه الموافقه...وبعد اتمام الزواج يصدم
الرجل بالحقيقه المره انها كانت نوع من تحسين الصوره ولكن للاسف( بعد وقوع الفاس فى الراس) زى ما بنقول فى الفلاحين....طيب ايه الحل
بقولك انك تكون محضر كويس وتخيل ان الاجابات اللى ممكن تقال عندما تسال بس المهم انك تكون واضع خطه بيها تقدر تعرف هل هذه الاجابات المثاليه حقيقه ام تحسين صوره
مثلا واحده بتقولك انا هدفى فى الحياه تكوين اسره سعيده وان اربى اولادى على الدين...هنا تبدا اسئلتك التى تعرف بها مدى ودرجه صدق ما يقال....طبعا انت هتكون بتسال فى الاشياء التى تهمك وبالتالى ستكون
قرأت فى تلك المواضيع .....طيب هيه دلوقتى بتقول تربيه الاطفال وكلام جميل ...طيب ساعتها تسالها عن اهم الكتب اللى قراتها فى تربيه الاطفال او ما هى أفضل المواقع التى تتحدث فى هذا الامر وأيه هوه افضل
موضوع قراته عن تلابيه الاطفال؟ وكثير من الاسئله التفصيليه فى مثل كيف تتعاملين لو اكتشفتى ان ابننا يسرق او يكذب . كثير من تلك التفاصيل ...ومن قراءتك فى موضوع تربيه الاطفال الذى هو من اهتماماتك ...تقدر
تحدد هل الاجابات دى نوع من الارتجال ام هو ناتج فعلا عن قراءه دقيقه ومذاكره لذلك الامر....فان ثبت انه نوع من الاتجال فاعلم انه ليس من اهتماماتها موضوع تربيه الاطفال ...ولا لكانت قرات فيه وتعمقت فيه
لانه من اهدافها فى الحياه...وتتبع هذا الاسلوب فى كل الاجابات التى تجاوب بها
مثلا ما هو سر الحياه السعيده بين الاسره وتتعمق وتتعمق فى تلك المواضيع لتعرف مدى صدق تلك الاجابات والله الموفق
الخلاصه
1_انك تكون محضر كويس الاسئله اللى هتقدر من خلالها تعرف ما تريد
2_ان تكون المقابله فى صوره نقاش ودى لا استجواب رسمى
3_و أولا واخيرا الزوجه الصالحه رزق ( ومن يتقى الله يجعل له مخرجا ويرزقه من حيث لا يحتسب)
4_وطبعا الدعاء والاستخاره قبل كل شئ وان اعتمدنا على خبرتنا وذكائنا فقط ضيعنا انفسنا (ان لم يكن من الله عون للفتى فاول ما يقضى عليه اجتهاده)
5_حاول ان تقرا وتسمع كثيرا عن كيفيه اختيار الزوجه الصالحه
معلش هقولك كلمه اخيره سمعتها من اصحابى الذين تزوجوا وكان موضوع اختيار الزوجه من اول اهتماماتنا بيقولو لى ( بحالتك هتجيلك واحده زيك) يعنى بحالتى الايمانيه الماديه النفسيه وكذلك الاخلاقيه شوف انت
نفسك مراتك تكون ازاى وحاول ان تكون هذا الشخص....واظن ان هذا غالب الامر وان كان هناك البعض قد يخالف ما يقال فقد تجد انسان طيب جدا والله عز وجل قد لبتلاه بزوجه مفتريه (اللهم احفظنا)
ربنا يرزقنى واياك والجميع الزوجه الصالحه ...اللهم امين
