كيفية حساب رواتب الموظفين في مصر والبدلات ؟

Question

كيف يتم حساب رواتب الموظفين في مصر بالنسبه لي البدلات
اني أذكر أن كان هناك أساسي وبدل طبيعه عمل وبدل انتقالات وكان لهم نسبه من الاساسي يجب ان لا يتعداها
وكان هناك طابع دمغه 45 قرش علي كل راتب
فياريت حد يذكر الرواتب ونسب البدلات في مصر

تحديث للسؤال برقم 1

جزاك الله يا حسن زايد
ولكن انا مش موظف ولا الكلام ده خالص ولا حتي في مصر وده للناس الي بتتريق
يا استاذ حسن بس سؤال البدلات لما كنت بعملها زمان كان مثلا بدل الانتقالات لا يزيد عن 30 بالمائه من الاساسي وهكذا
انا عاوز النسب دي
وجزاك الله خير

Answer 1

بعد قانون الضرائب الجديد اصبح الرواتب فى مصر كالتى
راتب اساسى     مثلا 500 جنيه
راتب متغير         مثلا 300 جنيه
بدلات نقديه ( الموظف تقيضها مع المرتب  مثل بدل السكن او التليفون او الانتقالات) مثلا 200 جنيه
بدلات عينيه ( الموظف ييتفيد بها مثل الوجبه ، اتوبيس الشركه الذى ينقله من و الى الشركه )
كل المرتب بكل بدلاته النقديه فقط يخضع لضريبه بنسبه 10% بعد خصم 750 حد الاعفاء ( شهريا )
طبعا بعد خصم التأمينات الاجتماعيه و التى تكون كتالى
14% من المرتب الاساسى
11% من المرتب المتغير
اما اى بدلات عينيه فى معفاه غير خاضعه لضريبه
كدة الموظف هياخد كام فى ايدة اخر الشهر ؟
( مرتب اساسى - 14% ) + ( مرتب متغير - 11% ) + بدلات نقديه
( 500- 500*14% )        + ( 300 - 300 *11% ) + 200
=       (430)               +           (267)          + 200 = 897
تخصم الضريبه
= اجمالى المرتب الشهرى ( 897 )   -  الاعفاء الشهرى (750 )   = 147
الضريبه 10% = 147   * 10%       =   14.70  
صافى المرتب = 897  (بعد خصم التامينات )   - الضريبه  14.7     =     882.30
 دة عن حساب المرتب فى مصر
الدمغه هى اى واحد بيمضى على فلوس يقبضها تتخصم منها 45 قرش دمغه
يعنى الموظف هياخد صافى الصافى
882.30   - 0.45   ( دمغه ) =  881.85 جنيه

Answer 2

مفيش نسب خالص كل دة اتلغا
دلوقتى النقدى يدخل فى وعاء الضريبه
و البدل العينى لا يدخل
هناك نسبه واحدة لمصاريف السيارة و الموبيل لو الموظف بياخد فلوس مقابل موبيل او مصاريف سيارة بيكون الثلث خاضع لضريبه ( استخدام شخصى ) و الثلثين معفيين
غير كدة مافيش اى نسب للبدلات خااااااااااالص

Answer 3

ربنا يتوب عليك من وظيفة الحكومة

Answer 4

رواتب مين يا عم  الى بتكلم عنها قصدق شويه الملاليم دول   ربنا يسرتها معنا

Answer 5

ههههههههههههه
انت شوفت الزيادات بتاعه اغسطس
والله انا مت من الضحك
متسألش عشان مش هتلاقى اجابة
غير انك تمسك المرتب وتفنطه زى ورق الكوتشينه للأبواب المفتوحه فى المجتمع المصرى
واجمل نكته واقعيه فى الموضوع ده ان المتزوجين بياخدوا 4 جنيه لأنهم متزوجين وعلى اول مولود 2 جنيه وتانى مولود 2 جنيه وتالت مولود 2 جنيه وبس بعد كده مالهمش فيه
وده فى حد ذاته كويس الاتنين جنيه يأمنوا مستقبل المولود يعنى على مدار مليون سنة تقدر تعمله حاجه
حسبى الله ونعم الوكيل