السلام عليكم اخواني..
ناوي أشتري سيارة مستعمله انشاالله .. بس محتار و بغيت نصايحكم للي عنده علم عن هالسيارتين
ال bmw m5 و ال audi s8
بغيت أعرف اذا أي وحده فيهم معروفه بأعطال معينة.. و اذا كانت بسيطة ولا جايده
للي عنده أحد السيارتين .. كم تكلف الصيانه الدوريه و تبديل الزيت و الصفايف تقريبا ؟
و اللي عنده أي ملاحظه عن السيارتين يطرحها مشكورااا
و يزاكم الله كل خير
عتيم و لمس … مشكورين على الردود ..
بس فكرت فمواتر وايد و هالاثنين أكثر 2 عيبوني .. صالون و مريح و فخم و فنفس الوقت رياضي .. المواصفات اللي فيهم صعب تحصله فأي موتر ثاني ..
و مب ناوي آخذ يديد .. من وين أييب نص مليون >_< !!
اذا عندكم اقتراحات لا تبخلون … بس مابا فورويل
أخوي البركان … مشكووور و ما قصرت .. كفيت و وفيت .. أنا بعد اللي سمعته انه قطع غيار الاودي نار .. بس اذا أعطالها مب وايد يعني ما بحتاي أصرف وايد على قطع الغيار..
اخوي
دام إنك سألت عن الأعطال وتكاليف الصيانة
فابعد عن هالسيارتين أحسن
ومثل ما يقول المثل
“ما أخس من المربوط إلا المفتلت”
الام 5 بيتغير شكلها 2012 اذا ماخاب ظني والاودي بيطيح في جبدك ومابتلقى له شراي وان اخترب الله يعينك ! ماييب راسه اي قراج حتى الوكاله يتوهقون فيه انا اقول استخير واذا عندك موتر ثاني خذلك اللي في خاطرك وتميل له اكثر واذا ماعندك موتر ثاني دورلك
واحد يحشمك وتكرفه
مرحبا اخويه انا مستخدم ام 5 لمدة 3 سنوات ،،، والي الاحظ انها ما فيها اي مشاكل بس في حاله وحده الكلجات اذا اختربن عندك لازم تبدلهن عطول ولا بيخربن القير عندك ،،،، تبديلهن على 7000 برا مع البرمجه ،،، واذ من نوع الي ترايس بالسياره بيكملن عندك من 7 الى 9 شهور ،،، واذا استعمالك عادي من سنه الى سنه ونص،،،، بخصوص الايل السيارة تشرب ايل يعني كل3000او 4000 لازم اتزيد لتر ،، بيبين عندك مسج بالكمبيوتر … واحسن ايل لها ( كاسترول ) تبديله مع الفلتر 600درهم تقريبا كل 10 او 12 الف ،،،وفيه مشكله بعد الدرامات ما ينخرطن اذا خرطهن يختربن على طول ويسون صوت لسفايف … وتبديلهن من 2500 الى 3500 تقريبا … وسفايف على 800 الى 1000 درهم تقريبا مع التبديل ،،، بس السيارة بشكل عام سواقتها ولا اروع اصراحه سيارة …
وبخصوص الاودي ماعندي علم بها ابدا بس ما انصحق قطع غيارها حريق بتفقرك …