الصراحه اليوم المنتدى غيرررررررررر عن كل يوم لأاني شفت فيه الثوار أو بنسميهم (الثوار الجدد) اللي طلعوا عن صمتهم والمداولات السريه عبر الرسايل الخاصه وقاموا ينشرون غسيلهم على الملأ
البعض منهم كان متهكم على حذف عضويته الغير مبرر على ما يدعون والبعض منهم ممتعض من حذف المواضيع بدون سبب مثل ما يقول واللي من قبل كمن يوم بعد انحذفت عضويته على الهوا مباشرة بسبب أنه طرح موضوع إحتجاج على حذف موضوعه (باركولي) وهذا طبعا مخالف لقوانين المنتدى مثل ما تعرفون واللي يبا يقول شي لازم يقوله بالطرق الدبلوماسيه يعني عن طريق الرسايل الخاصه مب اييلس ايصارخ وحالته حاله يعني الحين انته يوم بتحط موضوع على العام اتحسب الناس بيوقفون في صفك تراك لو مب غلطان ما شرشحوك تشرشيح ولا وحد منهم يطالب بحرية الطرح جيه وين عايش انته في أمريكا …………! حبيبي حرية التعبير موجوده بس بحدود وقوانين واعراف واذا خلوك على كيفك تعبر عن شعورك بتصلخ العالم صلخ ولا حد بيسلم من حرية تعبيرك ….
أنا اتمنى من الثوار الجدد عدم فتح مواضيع تتعلق بحذف عضويتهم واذا كان فيه شي بينهم وبين كبير المستثمرين من المفضل حله بالطرق الهاديه بعيدا عن التعصب والأساليب الملتويه اللي ان ادت لن تؤدي الا الى حيص بيص…..
أتمنى ان لايخرج المندسين تحت اسم الثوار الجدد عن جوهر الموضوع لكي لا يكون مصيره الحذف وان حذف الموضوع اتمنى ان تسلم عضويتي ولكم جزيل الشكر…
انا مارمست عن المحذوف الي ينحذف ينحذف انا بس سالت عن المواضيع المغلقه وكان مجرد اقتراح وصار غلط مني كتبته فالعام لا اكثر وكبرتو السالفه ويبتو ثوار وماثوار انا مب قصدي انه سياسه الغلق والحذف انا بس قصدي ينحط السبب اخر الموضوع ليش مغلق وبس
ورمضان كريم
حصة تاريخ
أحزاب وتكتلات لوول وثوار جدد !
دخيييلك الزبيدي لا تلمح اني انا اثير الموضوع وهو ما له داعي ما فيني انحذف وتوني يديده بعدين انته ما بروحك مزل موضوع تسأل عن الكم موضوع اللي انحذفوا هااا
ترا هاي المواضيع اللي انحذفت بسبب الاحتجاجات العلنيه اللي افتعلوها هايلا الاعضاء واللي سميناهم الثوار الجدد هذا اللي حاصل يا الزبيدي ولازم حد يوقف في ويوهم والا بتكبر السالفه وبيستوي المنتدى فيه أحزاب وتكتلات معارضه ومؤيده والا شو رايك…..؟؟؟
الصراحه انا ماجوف ثوار جدد ولا شي واحد انحذفت عضويتيه وسوه حشره ومافي داعي الموضوع يكبر وماشاء الله المنتدى صامد وماعليه غبار
اصدقين يافتنه احسج معانا من سنين مش من البارحه
بارك الله فيج كفيتي ووفيتي