بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
ياخي روح وزارة الاقتصاد قسم حماية المستهلك وخبرهم بالسالفه وشوف شو بيسون في الوكاله بيبولك سياره جديده من الوكاله خصبن عن الوكاله واحد من جماعتي استوتله مشكله بالسياره بعدها ما مشت 200 كيلوا ودقت المكينه قالوله الوكاله بنصلح المكينه قالهم لا ابغي سياره جديده طبعن رفضو وعلى طول راح وزارة الاقتصاد واشتكى عندهم ثاني يوم اتصلوبه الوكاله وقالوله تعال استلم السياره الجديده فا نصيحه لكل من يصادف مشكله في السياره ايروح على طول وزارة الاقتصاد قسم حماية المستهلك وشوف شو بيسون في الوكاله لك
وعلى فكره من كم يوم كان في جريدة الاتحاد موضوع من وزارة الاقتصاد بخصوص مشاكل السيارات وكانوا كاتبين اي واحد عنده مشكله في السياره ايراجع وزارة الاقتصاد قسم حماية المستهلك
وشكرا
بالتوفيييق
سلامي على وكاله المسعود فرع العين
معامله و احترام وتخلص امورك
صح ماعندي نيسان بس شفت معامله ربيعي يوم دخل موتره عالسيرفس
——————–
الفطيم .. انت ومعرفتك بالهنود الي فيه
———————
البي ام ههه عند الزلميه …((…))……….
فرع الصناعيه كنت فيها الاسبوع الي طاف
الله ايعين هالوكاله دام فيها هالاشكال
———————-
باقي الوكالات ماتعاملت وياهم
طبعا كله ها فالعين
تسلم الغالي عالتوضيح
وريحت البال
ولا اليوم موقفه فالمعارض
تسلم وما عليك زوود
الصراحه تعامل ابوظبي موترز
ماعليييه كلام بس كل ما تقولهم ركبولي جي
يقولون لك هذا مادري شوبلاه
مثلاً اخوي كان يبا يركب كت هامان
قالوله تريا 5 تشهر وبعدين اذا دعمت فيه ما تحصله<< اصلاً هم مايبون يركبون
مب مشكله
بس كان يبا يركب رنقات 21 سموك سلفر
قاله الرنقات مب ثابته وتخل من ميزانية السياره
بس الصراحه تعامله كان راقي
كان دوم يتصل ويسال تبون زيادات عالسياره<< ارمس عن الموضف الي تعاملنا وياه
ويوم نتصله يرد مب مثل بعض الوكالات يلبسونك
….
على طاري الفطيم
عدنا لكزس دخلناها التجييك الثالث على ما اذكر
يوم استلمنا الموتر
الموتر كان مرقع وفيع شحفات ودقات بيبان
والمهم ردينا عندهم وتفاهما وياهم
جان يبدلون البمبر الامامي
وعدلو البابين الامامي والخلفي الي فجهة اليمين
…
والسموحه عالاطاله
…الوشَّار…
فوق هذا كله – السيرفس بعد الظمان غــــــالـــــي
ومـــــــايــــــسوى
موفق بإذن الله … لك مني أجمل تحية .