بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
شكلك متعصب للمرسيدس بس عشان عندك مرسيدس هههههه من عرفتك وتعليقاتك نفسها ما اتغيرت
منو قالك المرسيدس أعطاله أقل؟ اسمحلي أناا أعرف ناس مجربين الاثنين وأعطال المرسيدس أكثر ومرتاحين مع البي ام، وكيف يعني السيرفس ما ينفع ؟ المشكلة إذا الواحد يحكم على شي ما جربه
اول مشكلة ان السيارة ما يشتغل فيها شي يعني بس تشغل المكينه وتمشي بسسسسس لا مسجل ولا مثبت سرعة ولا ولا شي يشتغل والمشكله هاي اول يوم طلعتها من الوكالة
بعدين ليت العداد (الطبلون) يبند ما تشوف شي يعني وقالولي هذا اوبشن فيها !!! اصلا هم ماعرفوا شو السالفة
الجير يطلع صوت والاصطاب اول ما تشغله يطلع صوت مثل التصفير وصوووووت مزززززززززززعج
ومشاكل بلاوي ما تعد والله
كل مرة يقولون تبا برمجه وترجع نفس المشكلة
اخر شي مليت منهم الله لا يوفقهم
طلعت السيارة ب 405 الاف فوول لوودد كاملة المواصفات
بس ماتوفقت وخسرت لكن ربك فووووووق والحمدلله على الصحة والعافية
ومشكووورين اخواني والفرع في العين الصناعية
انا قلت عالميا الثالث في اقل خرابات طبعا انا شفت الاحصائيات بنفسي طال عمرك …………………..
السلام عليكم
الاخوان الي يمدحون ويذمون الوكالات ،، ليش ماتطرون الفرع عسب نعرف كيف التعامل في الفروع ،،
يعني انا بقولكم في وكالة ليبرتي معاملت الورشه في بوظبي كلها نصب واحتيال
مب عارفين الشغله صح وحتى التصليح والسيرفس عندهم تعبان ،، والستاف الي هناك اللهم لا شماته ولا اغتياب لكن ناس وناس عندهم
جانك انت مقصه وبتسويلهم سالفه بيقصون عليك وبيعطونك من الكلام الزين وجانك ريال ستريت وماتسويلهم سالفه تبا الشغل يخلص باكمل وجه وعندك اعتراض على شغلهم بينتفخون عليك وبيضرونك في التعامل ،،
ويوم وديت السياره وكالة العين عقب مافتحوا ورشه بصراحه تعاملهم كان احسن بمليوون مره ،،
والحينه اتعامل مع المسعود سلامي عليك يالمسعود ستاف وشغل وضمان وكل شي عال العال ،،
والبورش بعد نفس الشي عند النابوده وعن علي واولاده ،، النابوده في دبي يعورون راسك مرات وفي العين علي واولاده نفس الشي ،،
انت ومعاملتك مع الستاف هناك وهم كيف بيقدرونك يعني الموظف الي بتسيرله عسب يخلص شغلك جانك دخلت مزاجه بيريحك وجانك مادخلت سلامتك بيعور راسك وبيظرب عليك
الزبده من الكلام هذا ،،
يوم بتقارنون مثل الجماعه الي يمدحوون وكالة البي ام في هالحاله انتوا عند اي فرع تتعاملون ؟ والمتتضررين لهم نفس السؤال اي فرع ؟
طلعوا عيوبهم وماعليكم من حد اذا حماية المستهلك مابينفعونا نحن كلنا في هالمنتدى واخوان وبناخذ كلمه منيه وكلمه منيه والفطين تراه بيعرف وين يروح ،،
كلامي عالسريع كتبته والسموحه منكم بس هاي وجهة نظر
انا سيارتين بي ام استخدمت 520 و x5 وماعليهم كلام
اشتريت بيك اب من وكالة الجمس وخذت اف جي اسوء تعامل كان مع الفطيم صدق صدق ارف تعاملهم لكن مع البي ام حسيت بالفرق الصراحه