بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
لاحول ولا قوة الا بالله العظيم
الله يعوضك اخوي
غير المرسيدس ووكاله المرسيدس ماشي ..
مرسيدس والاجر على الله
شكرا لكم على الردود والمشاركة اتمنى الفايدة تعم الجميع والكل يكون عنده خلفية عن البي ام