السلام عليكم ورحمة الله وبركاته

بإختصااار شديد,, انا اشتريت بي ام 740 2009 الجديدة

طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا

وبعدين تبند في الخط وما تشتغل واضطر اشحنها للعين

الوكالة تجهل سبب العطل ورفضت تبديل السيارة لانهم حرامية الله لا يسامحهم

اشتكيت في المكتب الاقليمي وما سوولي شي

اشتكيت عند المدير العام (آرنو) الحرامي وماسوالي شي بس وعوود كاذبه

واستمريت على الحالة نفسها لمدة 6 اشهر

واخر شي بعد السيارة وافتكيت ولله الحمد

وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها

لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب

والسموحة ,,كتبت الموضوع بسرعة واي استفسار انا حاضر

69 thoughts on “Bmw تجهل سبب العطل وترفض التبديل!!”

  3. شكلك متعصب للمرسيدس بس عشان عندك مرسيدس هههههه من عرفتك وتعليقاتك نفسها ما اتغيرت

    منو قالك المرسيدس أعطاله أقل؟ اسمحلي أناا أعرف ناس مجربين الاثنين وأعطال المرسيدس أكثر ومرتاحين مع البي ام، وكيف يعني السيرفس ما ينفع ؟ المشكلة إذا الواحد يحكم على شي ما جربه

    يا خوي المرسيدس ما فيه نص خرابات البي ام …. انته تعرف البي ام يسمونه بي هم ,,, ههههه … من يوم يومه …. ما شاء الله انته تابع الردود الي هني وبتعرف انه اصحاب البي ام مرتاحين وااااااايد …. يا خوي شوف البي هم المستعمل كيف طايح حظه وكم سعره …. ومثل ما قلت قبل انا لو يشلون الضمان 5 سنوات … ما حد بيشتري بي ام

    وعقب شوف الناس بتاخذ مرسيدس ولا بي ام

    الله المستعان

  4. السلام عليكم ورحمة الله وبركاته

    أنا عندي أكس فايف اليديده وبالعكس مرتاح .. أنا دوم أسافر وخلال بس 5 شهور مشيتها 110 الف كيلو

    وآلحمدلله مآ آشتكيت من شي .. كان فيه شي بسيط وعلى الضمان اللهم دفعت 300 درهم وبس

    والحينه من خذتها تخيل مشيت بالتواير أكثر من 100 الف كيلو

    شوف بقولك شي وكلمة الحق تنقال .. حسب التعامل في الوكاله ويا أي شخص .

    أنا اتعامل ويا شخص في قمة الاحترام .. يخاف الله قبل كل شي

    طبعاً هذا في وكالة العين

    شي بنت تشتغل بس موول ما اقرب صوبها تعاملت وياها مره وندمت ..

    يعني بقولك شي .. حسب الشخص اللي تتعامل وياه بترتب امورك .. عندكم الاودي والبورش في وكالة علي واولاده في العين .. قسم بالله لو مب هالوكاله جان خذت لي اودي والا بورش من زمان .. بس للاسف قمة النصب .. عندنا بورش في البيت واسير وادفع على اشياء ما تستاهل والله !!

    عسب جيه يوم خذت الاكس فايف حسيت بالفرق والله !!

    أذا تبا شخص تعتمد عليه ويخاف الله وفي وكالة العين خبرني وبرمسه انا .. لاني اعرفه من سنين انا

    وربي يوفجك

  5. السلام عليكم

    معوض انشالله

    بس اخوي ماخبرتنا من بوظبي ولا من الشارجه الي فالصناعيه

    لان اخوي خذ x5 من بوظبي وتعاملهم ماعليه كلام

    وللحين ما دخله التجييك الاول

    والموتر بعد ماعليه كلام

    مايردك ماشالله

    والسموحه

Comments are closed.